بٷگٸن تٷركٸستان وبلىسىنىڭ بارلىق اۋدان, قالالارىندا مەملەكەتتٸك رەمٸزدەر كٷنٸنە ارنالعان مەرەكەلٸك ٸس-شارالار ۇيىمداستىرىلدى, دەپ حابارلايدى "ۇلت اقپارات".
قازاقستاندىقتاردىڭ مەملەكەتتٸك رەمٸزدەرگە دەگەن قۇرمەتٸن ارتتىرۋ, ٶسكەلەڭ ۇرپاقتىڭ پاتريوتتىق ساناسىن جاڭعىرتۋ ماقساتىندا ۇيىمداستىرىلعان شارالار بارىسىندا اۋدان, قالا كٶشەلەرٸندە تۋ مەن ەلتاڭبانى كٶتەرگەن اۆتوكٶلٸكتەر شەرۋٸ, اتتار كەرۋەنٸ, فلەشموبتار ٶتٸپ, بارلىق مەملەكەتتٸك ورگاندار مەن كەسٸپكەرلٸك نىساندارعا تۋلار ٸلٸندٸ. سانيتارلىق تالاپتاردى ساقتاي وتىرىپ جەرگٸلٸكتٸ تۇرعىندار مەن مەكتەپ وقۋشىلارى, ەتنوس ٶكٸلدەرٸ قاتىسقان مەرەكەلٸك ٸس-شارالار قازاقستان رەسپۋبليكاسىنىڭ مەملەكەتتٸك ەنۇرانىن شىرقاۋمەن ٶز جالعاسىن تاپتى.
وبلىس جۇرتشىلىعىنا رەمٸزدەردٸڭ شىعۋ تاريحى مەن بەينەلەرٸن كەڭٸنەن ناسيحاتتاۋعا باعىتتالعان بەينەروليكتەر ەزٸرلەنٸپ, اۋدان, قالا ەكٸمدٸكتەرٸنٸڭ رەسمي پاراقشالارى ارقىلى كەڭٸنەن ناسيحاتتالدى.
1992 جىلى 4 ماۋسىمدا قازاقستان رەسپۋبليكاسىنىڭ مەملەكەتتٸك رەمٸزدەرٸ رەسمي تٷردە بەكٸتٸلگەن بولاتىن. ەل تەۋەلسٸزدٸگٸنٸڭ تۇراقتىلىعىنىڭ كەپٸلٸ بولعان, ەلدٸڭ بٸرتۇتاستىعى مەن تىنىشتىعىنا تۇتقا بولعان ايتۋلى كٷننٸڭ ورىن العانىنا بيىل 29 جىل تولدى.
