تٷركٸستان وبلىسىندا كوروناۆيرۋس ينفەكتسيياسىن جۇقتىرعان 11 كٷندٸك سەبيدٸڭ جٷرەگٸنە وتا جاسالدى. سايرام اۋدانىنداعى اۋرۋحاناعا اۋىر حالدە جەتكٸزٸلگەن شاقالاقتىڭ دەنە قىزۋى كٶتەرٸلٸپ, ەنتٸگۋ بەلگٸلەرٸ بولعان, دەپ حابارلايدى "ۇلت اقپارات".
وبلىستىق قوعامدىق دەنساۋلىق ساقتاۋ باسقارماسىنىڭ مەلٸمەتٸنشە, مەديتسينالىق جەدەل-جەردەم قىزمەتٸمەن جەتكٸزٸلگەن نەرەستە بٸردەن جانساقتاۋ بٶلٸمٸنە جاتقىزىلعان. جٷرگٸزٸلگەن دياگنوستيكالىق زەرتتەۋلەردٸڭ نەتيجەلەرٸ نەرەستەدەن تۋا بٸتكەن جٷرەك اقاۋى بەلگٸلەرٸ بار ەكەنٸن كٶرسەتكەن.
جٷرەك قالقاسىنىڭ تارىلۋىنان بالانىڭ ٶمٸرٸنە قاۋٸپ تٶنگەن. وعان قوسا جاڭا تۋعان سەبيدٸڭ پنەۆمونييا مەن كوروناۆيرۋس ينفەكتسيياسىنا شالدىققانى انىقتالعان.
وبلىستىق بالالار اۋرۋحاناسىنىڭ كارديوحيرۋرگى المات بايسالوۆ جەتەكشٸلٸك ەتكەن بٸلٸكتٸ دەرٸگەرلەر قۇرامى اسا ماڭىزدى شەشٸم قابىلداپ, سەبيگە شۇعىل تٷردە وتا جاساعان.
ەكٸ ساعاتقا سوزىلعان وپەراتسييا سەتتٸ ٶتٸپ, كٸشكەنتاي ناۋقاس امان قالعان. وتادان كەيٸن بٸردەن قان جٷرٸپ, قان قىسىمى دا رەتتەلگەن.
دەرٸگەرلەردٸڭ ايتۋىنشا, كوروناۆيرۋس ينفەكتسيياسىنىڭ تارالۋىنا جول بەرمەس ٷشٸن وپەراتسييا جانساقتاۋ بٶلٸمٸندە جٷرگٸزٸلگەن. سەبي قازٸر دە سول جەردە ەم قابىلداۋدا. وعان جەكە دەرٸگەر مەن جەكە مەدبيكە بەكٸتٸلگەن.
ال, بالا ٶمٸرٸن اراشالاپ قالعان دەرٸگەرلەردٸڭ قاتارىندا كارديوحيرۋگ-دەرٸگەرلەر المات بايسالوۆ پەن الماز ەشٸروۆ جەنە انەستەزيولوگ اقجول ەبدٸرايىموۆ, رەانيماتولوگ-دەرٸگەرلەر عابيتجان يسمايلوۆ پەن ەرلان راحىموۆ بار.
سەبيدٸڭ اتا-اناسى اق حالاتتى ابزال جاندارعا العىسىن ايتتى.
