4 سەۋٸردە تاڭەرتەڭ قازاقستان دەنساۋلىق ساقتاۋ مينيسترلٸگٸ تٷركٸستان وبلىسىندا بٸر ناۋقاس كوروناۆيرۋستان كٶز جۇمدى دەپ حابارلادى. 1956 جىلعى ناۋقاس جەتٸساي قالاسىندا تۇرعان. ناۋرىز ايىنىڭ ورتاسىندا الماتى وبلىسىنىڭ قاراساي اۋدانىندا قوناقتا بولىپ, 15 ناۋرىزدا ٷيٸنە ورالعان.
26 ناۋرىزدا دەنە قىزۋى كٶتەرٸلٸپ, دەرٸگەرلەرگە كٶرٸنگەن. ٷش كٷننەن كەيٸن جاعدايى ناشارلاعاننان كەيٸن ينفەكتسييالىق اۋرۋحاناعا جاتقىزىلىپ, اناليز تاپسىرعان. كوروناۆيرۋس بارى انىقتالعان.
جەرگٸلٸكتٸ دەنساۋلىق ساقتاۋ باسقارماسى ٶكٸلدەرٸنٸڭ ايتۋىنشا, ناۋقاستىڭ دياگنوزىندا قانت ديابەتٸ, قان قىسىمى بولعان. كوروناۆيرۋس پنەۆمونييانىڭ پايدا بولۋىنا تٷرتكٸ بولعان. ول "الماتىدا بولعانىن دەرٸگەرلەردەن جاسىرعان" دەيدٸ باسقارما ٶكٸلدەرٸ. ونىمەن بايلانىستا بولعان 25 ادام انىقتالعان.
تٷركٸستان وبلىسىندا بارلىعى 23 ادامنان ۆيرۋس انىقتالعان. كوروناۆيرۋسپەن كٷرەس جٶنٸندەگٸ شۇعىل شتاب دەرەگٸنشە, جەتٸساي اۋدانىندا - 11, كەنتاۋ قالاسىندا - 2, ارىس قالاسىندا - 1, ماقتاارال اۋدانىندا - 1, ورداباسى اۋدانىندا - 1, سايرام اۋدانىندا - 2, سارىاعاش اۋدانىندا - 1 ادامنان ۆيرۋس تابىلعان. ولاردىڭ بارلىعى بۇرىن COVID-19 تابىلعان ناۋقاستارمەن بايلانىستا بولعان. قازٸر ولاردىڭ بەرٸ وقشاۋلانعان. بۇل ناۋقاستارمەن بايلانىستا بولعان ادامدار انىقتالىپ جاتىر دەپ حابارلادى جەرگٸلٸكتٸ دەنساۋلىق ساقتاۋ باسقارماسى.
شتابتىڭ حابارلاۋىنشا, وبلىستا شەكتەۋ شارالارى كٷشەيتٸلگەن. ازاماتتاردىڭ ٷيدەن شىعۋىنا تىيىم سالىنادى. وبلىسارالىق, اۋدانارالىق, قالاارالىق جولاۋشىلار تاسىمالى توقتاتىلادى. قوعامدىق كٶلٸكتەن تاڭەرتەڭگٸ ساعات 6-دان باستاپ كەشكٸ 20.00-گە دەيٸن ٸستەيدٸ. بارلىق ازاماتتارعا ماسكا تاعۋ مٸندەتتەلگەن. قالادا زالالسىزداندىرۋ جۇمىستارى جٷرەدٸ. ازىق-تٷلٸك بازارلارى تاڭەرتەڭگٸ ساعات 10-نان باستاپ كەشكٸ 17.00-گە دەيٸن ٸستەيدٸ. سول سيياقتى دٷكەندەردٸڭ دە جۇمىس ۋاقىتى 20.00-گە دەيٸن قىسقارعان.
