جىل باسىنان بەرٸ كەمەلەتكە تولماعاندار اراسىنداعى قىلمىستار 29,9%-عا تٶمەندەگەن. قۇقىق بۇزۋشىلىقتاردىڭ الدىن-الۋ ٷشٸن تٷركٸستان وبلىسىندا بٸرقاتار ماڭىزدى ٸس-شارالار اتقارىلدى.
وسى جەنە ٶزگە دە ٶزەكتٸ مەسەلەلەر وبلىس ەكٸمٸ ٶمٸرزاق شٶكەەۆتٸڭ تٶراعالىعىمەن ٶتكەن تٷركٸستان وبلىسى ەكٸمدٸگٸ جانىنداعى قۇقىق بۇزۋشىلىق پروفيلاكتيكاسى جٶنٸندەگٸ ۆەدومستۆوارالىق كوميسسيياسى مەجٸلٸسٸندە قارالدى, دەپ حابارلايدى "ۇلت اقپارات" تٷركٸستان وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
بەلگٸلٸ بولعانداي, بيىلعى جىلدىڭ 10 ايىندا اتقارىلعان ٸس-شارالار نەتيجەسٸندە قۇقىق بۇزۋشىلىققا بەيٸم كەمەلەتكە تولماعاندار جەنە بالا تەربيەسٸنە نەمقۇرايدى قارايتىن 332 قولايسىز وتباسى ٸشكٸ ٸستەر ورگانىنىڭ ەسەبٸنە الىندى.
قوعامدىق تەرتٸپ پەن قوعامدىق قاۋٸپسٸزدٸكتٸ قامتاماسىز ەتۋ ماقساتىندا بيىلعى جىلدىڭ 10 ايىندا كٶپشٸلٸك ورىنداردى لاستاعان, بەلگٸلەنبەگەن ورىنداردا تەمەكٸ تارتقان, سپيرتتٸك ٸشٸمدٸك ٸشكەن, ۇساق بۇزاقىلىقتار جاساعان ازاماتتارعا 6799 ەكٸمشٸلٸك حاتتاما تولتىرىلعان. جۇمىس كٷشەيتٸلٸپ, كٶرسەتكٸش ٶتكەن جىلمەن سالىستىرعاندا 3 ەسە ارتقان.
تٷركٸستان وبلىسىندا قوعامدىق ورىنداردى, كٶشەلەردٸ جەنە باسقا دا قىلمىس كٶپ بولاتىن جەرلەردٸ ساپالى جەنە زاماناۋي بەينەباقىلاۋ جٷيەلەرٸمەن جابدىقتاۋ جۇمىستارى جالعاسادى.
قوعامدىق رەزونانس تۋدىراتىن الاياقتىق قىلمىس تٷرلەرٸنٸڭ بٸرٸ – قارجى پيراميدالارىن قۇرۋ.
ٸشكٸ ٸستەر دەپارتامەنتٸنٸڭ مەلٸمەتٸنە سەيكەس, بيىل وبلىس اۋماعىندا قارجى پيراميداسىن قۇرۋدىڭ 3 دەرەگٸ انىقتالعان.
اتاپ ايتقاندا, شامامەن 1947 سالىمشىسى بار «Gold Company LTD» (شامامەن 597 ملن تەنگەگە شىعىن كەلتٸرگەن) جەنە شامامەن 650 سالىمشىسى بار «ميللەنيۋم» (شامامەن 1,755 ملرد تەنگەگە شىعىن كەلتٸرگەن) قارجى پيراميدا قۇرۋشىلارى قۇرىقتالىپ, قىلمىستىق ٸستەرٸ سوتقا جولدانعان. قازٸرگٸ تاڭدا وسى تەرٸزدەس «Indigo-24 Evolution» قارجى پيراميداسىن قۇرۋشىلار انىقتالىپ, سوتقا دەيٸنگٸ تەرگەپ تەكسەرۋ جۇمىستارى جٷرگٸزٸلۋدە.
