تٷركٸستان وبلىسىنداعى كافەل زاۋىتتارىنىڭ بٸرٸندە گرەك-ريم كٷرەسٸنەن قازاقستان چەمپيونى تٸلەكتەس ەدٸل ٶندٸرٸستٸك جازاتايىم وقيعادان كٶز جۇمدى, دەپ حابارلايدى ult.kz.
قايعىلى جاعداي سپورتشىنىڭ جۇمىس ورنىندا بولعان. مارقۇمنىڭ دوسى تاراتقان اقپاراتقا سەيكەس, تٸلەكتەس ەدٸل جۇمىس بارىسىندا ابايسىزدا ەلەكتر سىمىنا تيٸپ, توك سوققاننان كەيٸن بيٸكتٸكتەن قۇلاپ كەتكەن. وقيعا ورنىنا جەدەل جەتكەن دەرٸگەرلەر سپورتشىنىڭ ٶمٸرٸن ساقتاپ قالا الماعان.
تٸلەكتەس ەدٸل ەستۋ قابٸلەتٸ تٶمەن سپورتشىلار اراسىندا قازاقستان نامىسىن قورعاعان بەلگٸلٸ بالۋان ەدٸ.
ول 2018 جىلى اقتٶبەدە ٶتكەن قازاقستان رەسپۋبليكاسىنىڭ II سپارتاكياداسىندا گرەك-ريم كٷرەسٸنەن 55 كەلٸ سالماقتا جەڭٸمپاز اتانعان. ال 2019 جىلى قوستانايدا ۇيىمداستىرىلعان ەل چەمپيوناتىندا 60 كەلٸ سالماقتا التىن مەدال يەلەنگەن.
سونىمەن قاتار سپورتشى رەسپۋبليكالىق جەنە حالىقارالىق جارىستاردا بٸرنەشە رەت جٷلدەگەر اتانعان.
مارقۇمنىڭ ارتىندا جارى مەن ەكٸ بالاسى قالدى.
