© Photo : Steve Buissinne
تٷركٸستان وبلىسىندا ادام ساۋداسىمەن اينالىسقان ازامات ۇستالدى, دەپ حابارلادى وبلىستىق پروكۋراتۋرا.
پروكۋراتۋرانىڭ مەلٸمەتٸنشە پوليتسييا دەپارتامەنتٸنٸڭ ۇيىمداسقان قىلمىسقا قارسى كٷرەس باسقارماسى جەدەل ٸزدەستٸرۋ ٸس-شارالارىن جٷرگٸزۋ بارىسىندا "ش" ەسٸمدٸ ازامات ادام ساۋداسى ٷشٸن 400 مىڭ تەڭگە الۋ بارىسىندا ۇستالعان.
"اتاپ ايتقاندا, "ش" ەسٸمدٸ ازامات سوڭعى 2 جىل بويى مٷمكٸندٸگٸ شەكتەۋلٸ ەكٸ ازاماتتى قايىرشىلىق جاساۋعا مەجبٷرلەپ, ولاردى شىمكەنت قالاسىندا ساتۋ كەزٸندە ۇستالىپ, قاماۋعا الىندى", - دەلٸنگەن حابارلامادا.
سونىمەن قاتار قۇزىرلى ورگاندار تاعى 10 ازاماتتىڭ ادام ساۋداسىنا قاتىسى بار-جوعىن تەكسەرٸپ جاتىر.
قازٸرگٸ تاڭدا ادام ساۋداسى فاكتٸسٸ بويىنشا تەرگەپ-تەكسەرۋ جٷرگٸزٸلۋدە, ٶزگە اقپارات قپك 201-بابىنىڭ تالاپتارىنا ساي جارييا ەتٸلمەيدٸ.
