تٷركٸستان وبلىسىنىڭ ەكٸمٸ دارحان ساتىبالدىنىڭ تٶراعالىعىمەن ٶڭٸردە ەنەرگەتيكا سالاسىن دامىتۋ, تاريفتەردٸ قاداعالاۋ, وسى سالاداعى ينفراقۇرىلىمدى جاقسارتۋ مەسەلەلەرٸ تالقىلاندى, دەپ حابارلايدى «ۇلت اقپارات» وبلىس ەكٸمدٸگٸنٸڭ باسپاسٶز قىزمەتٸنە سٸلتەمە جاساپ.
مەجٸلٸسكە جاۋاپتى باسقارما باسشىلارى, «وڭتٷستٸك جارىق ترانزيت» جشس-نٸڭ باس ديرەكتورى مۋرات يبراگيموۆ, «ەنەرگوپوتوك» جشس-نٸڭ باس ديرەكتورى ايگەرٸم كۋشكۋمباەۆا, «قازاقستاننىڭ كوممۋنالدىق جٷيەلەرٸ» جشس-نٸڭ باس ديرەكتورى نابي ايتجانوۆ جەنە ٶزگە دە ازاماتتار قاتىستى. وبلىس ەكٸمٸ ينۆەستورلارعا قولايلى جاعداي جاساۋ باعىتىندا قۋات كٶزدەرٸن ارتتىرۋ مەسەلەسٸن كٶتەردٸ.
«تٷركٸستان وبلىسىنىڭ تۇرعىندارى نەگٸزٸنەن اۋىلدى ەلدٸ مەكەندەردە تۇرادى. ولاردى ساپالى ينفراقۇرىلىم, ەلەكتر قۋاتىمەن قامتۋ – ماڭىزدى مٸندەت. بۇل باعىتتاعى جۇمىستار جالعاسادى. سونىمەن بٸرگە ەركٸن ەكونوميكالىق جەنە يندۋستريالدى ايماقتاردا قۋاتى جوعارى ەرٸ باعاسى قولجەتٸمدٸ ەلەكترمەن قامتۋىمىز كەرەك. تاريفتەر مەسەلەسٸ دە جاۋاپتى مەكەمە ارقىلى تۇراقتى زەردەلەنەدٸ», – دەدٸ دارحان ساتىبالدى.
تٷركٸستان وبلىستىق ەنەرگەتيكا جەنە تۇرعىن ٷي كوممۋنالدىق شارۋاشىلىق باسقارماسىنىڭ حابارلاۋىنشا, ٶڭٸردە ەنەرگەتيكا سالاسىندا اۋقىمدى جۇمىستار اتقارىلعان. وبلىستاعى 831 ەلدٸ مەكەننٸڭ 815-ٸ ورتالىقتاندىرىلعان ەلەكتر جەلٸسٸنە قوسىلعان, قالعان 16 ەلدٸ مەكەن دەربەس ەلەكتر قوندىرعىدان ەلەكتر قۋاتىن پايدالانۋدا. بيىل ەلەكترمەن قامتاماسىز ەتۋ نىساندارىنىڭ قۇرىلىسىنا 13,1 ملرد. تەڭگە قارالىپ, 40 نىساننىڭ قۇرىلىسى جٷرٸپ جاتىر. ونىڭ 8-ٸنٸڭ قۇرىلىسى بيىل اياقتالىپ پايدالانۋعا بەرٸلەدٸ. ال قالعان 32 نىساننىڭ قۇرىلىسى 2023 جىلعا ٶتپەلٸ.
2024-2025 جىلدارى تٷركٸستان قالاسىندا «ساۋران», «نۇرتاس» قوسالقى ستانتسييالارىنىڭ جەنە «ورتالىق» قوسالقى ستانتسيياسىنان حالىقارالىق ەۋەجايعا دەيٸنگٸ ەلەكتر جەلٸلەرٸنٸڭ قۇرىلىسىن جٷرگٸزۋ جوسپارلانىپ وتىر.
مەجٸلٸستە تابيعي مونوپولييالاردى رەتتەۋ كوميتەتٸنٸڭ تٷركٸستان وبلىسى بويىنشا دەپارتامەنتٸنٸڭ باسشىسى قانات ورالوۆ ەلەكترگە جاۋاپتى كومپانييانىڭ تاريفتەرٸ زاڭ اياسىندا قاداعالاۋعا الىنعانىن مەلٸمدەپ, وسى باعىتتاعى جۇمىستاردى باياندادى.
