تٷركٸستان وبلىسىندا جوعالعان بويجەتكەن بٸرنەشە كٷننەن كەيٸن الماتى قالاسىنان تابىلدى, دەپ حابارلايدى "ۇلت اقپارات".
جەتٸساي اۋداندىق پوليتسييا بٶلٸمٸنە جەرگٸلٸكتٸ تۇرعىن ارىزدانىپ, 20 جاستاعى قىزى تاڭعى ۋاقىتتا ەگٸستٸك القابىنا جۇمىس ٸستەۋگە كەتٸپ, 2 كٷننەن بەرٸ تابىلماي جاتقانىن ايتقان. ۇيالى تەلەفونى ٶشٸرۋلٸ.
اتالعان جايتتى تٸركەۋگە العان جەتٸسايلىق پوليتسەيلەر بٸردەن جەدەل ەرەكەتكە كٸرٸسكەن.
«كٶرگەن-بٸلگەندەردەن جاۋاپ الىپ, قىزدىڭ سۋرەتٸن كٶرسەتٸپ, جاقىن ايماقتاعى پوليتسەيلەرگە دە باعىتناما بەرٸلدٸ. قىزدىڭ دوستارى مەن بارۋى مٷمكٸن جەرلەر تىڭعىلىقتى تەكسەرٸلدٸ. پوليتسەيلەردٸڭ كٷنٸ-تٷنٸ ٷزٸلٸسسٸز جۇمىسىنىڭ نەتيجەسٸندە قىز الماتى قالاسىنان تابىلدى. پوليتسەيلەر جاس قىزدى وتباسىنا دٸن-امان قايتاردى», - دەدٸ وبلىستىق پوليتسييا دەپارتامەنتٸنٸڭ باسپاسٶز قىزمەتٸنەن.
بەلگٸلٸ بولعانداي, ٸز-تٷزسٸز جوعالعان قىز اۋىلداعى تابىسىن ازسىنىپ, الماتى قالاسىنا جۇمىسقا كەتكەن. وندا جالدامالى پەتەرگە ورنىعىپ, قالاداعى دەمحانالاردىڭ بٸرٸنە جۇمىسقا ورنالاسقان. اتا-اناسى ٶزگە قالاعا كەتۋگە رۇقسات بەرمەيتٸنٸن ويلاعان بويجەتكەن ولارعا حابارىن بەرمەگەن.
قىزدىڭ اناسى پوليتسەيلەرگە ريزاشىلىعىن جەتكٸزگەنٸن ايتا كەتەيٸك.
