Túrkistan oblysynda joǵalǵan boijetken birneshe kúnnen keiin Almaty qalasynan tabyldy, dep habarlaidy "Ult aqparat".
Jetisai aýdandyq politsiia bólimine jergilikti turǵyn aryzdanyp, 20 jastaǵy qyzy tańǵy ýaqytta egistik alqabyna jumys isteýge ketip, 2 kúnnen beri tabylmai jatqanyn aitqan. Uialy telefony óshirýli.
Atalǵan jaitty tirkeýge alǵan jetisailyq politseiler birden jedel áreketke kirisken.
«Kórgen-bilgenderden jaýap alyp, qyzdyń sýretin kórsetip, jaqyn aimaqtaǵy politseilerge de baǵytnama berildi. Qyzdyń dostary men barýy múmkin jerler tyńǵylyqty tekserildi. Politseilerdiń kúni-túni úzilissiz jumysynyń nátijesinde qyz Almaty qalasynan tabyldy. Politseiler jas qyzdy otbasyna din-aman qaitardy», - dedi oblystyq Politsiia departamentiniń baspasóz qyzmetinen.
Belgili bolǵandai, iz-túzsiz joǵalǵan qyz aýyldaǵy tabysyn azsynyp, Almaty qalasyna jumysqa ketken. Onda jaldamaly páterge ornyǵyp, qaladaǵy dámhanalardyń birine jumysqa ornalasqan. Ata-anasy ózge qalaǵa ketýge ruqsat bermeitinin oilaǵan boijetken olarǵa habaryn bermegen.
Qyzdyń anasy politseilerge rizashylyǵyn jetkizgenin aita keteiik.
