تٷركٸستان وبلىسىندا بٸلدەي بٸر اۋدان ەكٸمٸ اۋلا سىپىرۋشىلار مەن قوقىس تازالاۋشىلاردىڭ مونشاعا تٷسٸپ, تازا بولىپ جٷرۋٸن ٶز باقىلاۋىنا الدى, دەپ حابارلايدى Sputnik قازاقستان تٸلشٸسٸ.
تٶلەبي اۋدانىنىڭ ەكٸمٸ بۇقارباي پارمانوۆ مۇنداي قادامعا نە سەبەپتٸ بارعانىن بىلايشا تٷسٸندٸرٸپ بەردٸ:
"بٸز بٸرٸنشٸ تازالىققا كٶپ كٶڭٸل بٶلدٸك. كوممۋنالدىق سالاداعى جۇمىسشىلاردىڭ كٶبٸ جاعدايى تٶمەن وتباسىلاردىڭ ادامى. العان جالاقىسى كيٸمٸنە, كەيدە تاماعىنا جەتپەيدٸ. وعان بالا-شاعاسىن قوسىڭىز. قاراسام, شاشتارى ٶسٸپ كەتكەن, جاعدايلارى جوق. كوممۋنالدىق مەكەمەدەگٸ جۇمىسشىلاردىڭ ايلىعىن ەكٸ ەسەگە كٶبەيتٸپ, تٸپتٸ جۇمىس بارىسىندا بٸر مەزگٸل ىستىق تاماق بەرەتٸن جاعداي جاسادىق. ارنايى بٶلمە قاراستىردىق, سەبەبٸ قىس مەزگٸلٸندە كيٸمدەرٸن كەپتٸرٸپ الىپ, شايىن ٸشٸپ, تىنىعۋى قاجەت. وعان قوسا مەكەمە ەسەبٸنەن ولار اپتاسىنا بٸر رەت مونشاعا تٷسەدٸ, ايىنا بٸر رەت شاشتارازعا بارادى. بٸز جۇمىستى تالاپ ەتۋ ٷشٸن الدىمەن جاعداي جاساۋىمىز قاجەت".
سۇحبات بارىسىندا تٶلەبي باسشىسى اۋداننىڭ تازالىعىنا جاۋاپتى مەكەمە تەحنيكادان تارشىلىق كٶرٸپ وتىرعان جوق دەپ اعىنان جارىلدى. الداعى ۋاقىتتا بۇل مەكەمەلەردٸ جەكەنٸڭ قولىنا ٶتكٸزٸپ, جۇمىسشىلاردىڭ جالاقىسىن تاعى دا كٶتەرۋدٸ جوسپارلاپ وتىر.
بۇقارباي پارمانوۆ بۇل قىزمەتكە 2016 جىلدىڭ تامىزىندا كەلدٸ. وعان دەيٸن كوممۋنالدىق سالانىڭ قاراپايىم جۇمىسشىلارى 30 مىڭ تەڭگە جالاقى الىپ كەلگەن بولسا, بٷگٸندە ولاردىڭ تابىسى 60-70 مىڭ تەڭگەنٸ قۇراپ وتىر. اۋدان بويىنشا تازالىققا جاۋاپتى 100-گە جۋىق جۇمىسشى تىنباي ەڭبەك ەتٸپ كەلەدٸ.
جۇمىسشىلاردىڭ تازا بولىپ جٷرۋٸنە الاڭداعان شەنەۋنٸك بۇل جاعداي ەرمەن قاراي جالعاسا بەرەتٸنٸن جەتكٸزدٸ.
"تەحنيكاسى, باسقاسى بار. وسىنىڭ بارلىعىمەن قامتاماسىز ەتٸپ, تازالىقشىلاردىڭ كٶڭٸلٸنە قاراپ جۇمىس جاساپ جاتىرمىز. ولار قازٸر دە مونشاعا, شاشتارازعا مەكەمە ەسەبٸنەن بارىپ جٷر. ونى توقتاتپاۋ كەرەك, بٸر رەت جاساساڭ كٶزبوياۋشىلىق بولادى", — دەدٸ تٶلەبي اۋدانىنىڭ باسشىسى.
