تٷركٸستان وبلىسىندا قازٸر 400-گە جۋىق دەرٸگەر, ورتا جەنە كٸشٸ بۋىن مەديتسينا قىزمەتكەرلەرٸ كٷندەلٸكتٸ قاۋٸپ-قاتەردٸڭ ورتاسىندا ادام ٶمٸرٸنە اراشا تٷسٸپ, كوروناۆيرۋس ٸندەتٸمەن كٷرەسۋدە, دەپ حابارلايدى "ۇلت اقپارات" وبلىس ەكٸمٸنٸڭ باسپاسٶز قىزمەتٸنە سٸلتەمە جاساپ.
ناۋقاستارعا تەۋلٸك بويى مەديتسينالىق ەم كٶرسەتٸپ جٷرگەن «جەتٸساي اۋداندىق ينفەكتسييالىق گوسپيتالدىڭ» مەڭگەرۋشٸسٸ زاميرا تاشيموۆا ەرٸپتەستەرٸنٸڭ بٸر كٸسٸدەي كٷرەسٸپ, كٶمەككە قوسىمشا دەرٸگەرلەر جۇمىلدىرىلىپ جاتقاندىعىن ايتادى. 30 جىلدان استام تەجٸريبەسٸ بار ينفەكتسيونيست ٶزٸ دە ەلدە تٶتەنشە جاعداي جارييالانعالى بەرٸ كٷندٸز-تٷنٸ ايانباي جۇمىس ٸستەۋدە.
«تەۋلٸك بويى اۋرۋحانادا كوروناۆيرۋسقا شالدىققان ناۋقاستاردى قولىمىزدان كەلگەنشە ەمدەپ جاتىرمىز. ەرينە, ول ازاماتتاردىڭ قينالعانىن كٶرگەندە جٷرەگٸمٸز اۋىرادى. بٸراق, قيىن سەتتە بارىنشا بەكەم بولىپ, تاباندىلىق كٶرسەتۋٸمٸز قاجەت ەكەنٸن تٷسٸنەمٸز. جەتٸساي اۋداندىق ينفەكتسييالىق گوسپيتالدا كەرەك نەرسەنٸڭ بارلىعى بار. ٶز تاراپىمىزدان دا بارلىق ساقتىق شارالارىن قاداعالاۋدامىز. 14 كٷن سايىن تەكسەرٸلٸپ, كوروناۆيرۋس ٸندەتٸنە سىناما تاپسىرامىز», - دەيدٸ زاميرا تاشيموۆا.
ال, تٷركٸستان قالالىق ورتالىق اۋرۋحاناسى جۇقپالى اۋرۋلار بٶلٸمٸنٸڭ كارانتين رەجيمٸندە جۇمىس ٸستەپ جاتقان دەرٸگەرلەرٸ ٶز تاراپتارىنان حالىققا ارناعان كەڭەستەرٸنە تٷسٸنٸستٸكپەن قاراۋعا شاقىرادى.
«ەل اماندىعى ٷشٸن ٷيدە قالىپ, ساقتىق شارالارىن قاداعالاۋ قاجەت. ٶڭٸرگە قاۋٸپتٸ ايماقتاردان كەلگەن ازاماتتار جەرگٸلٸكتٸ ەمحاناعا حابارلاسىپ, 14 كٷندٸك كارانتيندە بولۋلارى تيٸس. قازٸرگٸدەي قيىن سەتتە مىڭداعان ادامنىڭ قاۋٸپسٸزدٸگٸ, بٸر ادامنىڭ جاۋاپكەرشٸلٸگٸنە بايلانىستى بولعان كٷيگە تٷستٸك. سول سەبەپتٸ ەر ازاماتپەن جەكە تٷسٸندٸرمە جۇمىستارىن دا جٷرگٸزەمٸز», - دەيدٸ ەكٸ اپتادان بەرٸ ٷي بەتٸن كٶرمەگەن تٷركٸستان وبلىستىق قوعامدىق دەنساۋلىق باسقارماسىنىڭ شتاتتان تىس ينفەكتسيونيست-دەرٸگەرٸ زاميرا جورابەكوۆا. دەرٸگەر كٷنٸ-تٷنٸ پروۆيزورلىق ستاتسيوناردا قىزمەتتە. وتباسىمەن قايتا قاۋىشاتىن كٷندٸ ارماندايدى. ٷيدە كٷيەۋٸمەن 2 ۇل, 1 قىزى كٷتٸپ وتىر. كٸشكەنتايىنىڭ جاسى 7 –دە. ٶز ٶمٸرلەرٸن بەسكە تٸككەن وسىنداي دەرٸگەرلەردٸڭ ەڭبەگٸ ەرەن.
جالپى, وبلىس بويىنشا كوروناۆيرۋس ينفەكتسييامەن اۋىرعان ناۋقاستاردى جاتقىزۋ ٷشٸن 150 تٶسەك-ورىن جاساقتالعان. پاندەمييالىق ٸندەتكە ۇقساس كلينيكاسى بار ناۋقاستاردى جاتقىزىپ, دياگنوزىن انىقتاۋ ماقساتىندا 510 تٶسەك ورىنعا پروۆيزورلىق گوسپيتال قاراستىرىلعان. ودان بٶلەك بارلىق اۋداندار مەن قالالارداعى ينفەكتسييالىق اۋرۋ بٶلٸمدەرٸ دايىن. قارىم-قاتىناستا بولعانداردى وقشاۋلاۋ ٷشٸن وبلىس اۋماعىنا 955 تٶسەك ورىنعا كارانتين ورتالىقتارى اشىلعان.
