تٷركٸستان وبلىسىنىڭ تۇرعىنى كٷمەندٸ دەرٸ-دەرمەكتٸڭ كەسٸرٸنەن مالىنان ايىرىلدىم دەپ ەسەپتەيدٸ. سامات قادىروۆتىڭ ايتۋىنشا, العاشىندا قويلار اۋىرا باستاعان. فەرما يەسٸ ۆەتەرينارلىق دەرٸحانانىڭ ساتۋشىسىمەن كەڭەسٸپ, دەرٸ-دەرمەك ساتىپ العان, - دەپ حابارلايدى Tengrinews.kz سايتى otyrar.kz-كە سٸلتەمە جاساپ.
"فارماتسەۆت ۇنتاق ارزانعا شىعاتىنىن ايتتى. ول دەرٸنٸ تەك 10 ليتر سۋعا سۇيىلتىپ, جانۋارلارعا 5-10 گرامم بەرۋٸم كەرەك دەدٸ. مەن دەل سولاي جاسادىم. ال كەشكٸ ساعات 22:00-دەن كەيٸن 320 قوي بٸرٸنەن سوڭ بٸرٸ قىرىلدى", – دەيدٸ فەرما يەسٸ.
سامات پوليتسيياعا دا, مال دەرٸگەرلەرٸنە دە جٷگٸندٸ. الايدا ولاردىڭ ەشقايسىسى كٶمەككە اسىقپاعان.
"بارلىعى قوي قوس دوزادان ٶلدٸ دەدٸ. ٶلەكسەلەردٸ ساراپتاماعا اپاراتىنىن ايتتى. بٸراق بٸزدە جانۋارلاردىڭ دەل وسى پرەپاراتتىڭ كەسٸرٸنەن ٶلگەنٸ تۋرالى ەشقانداي دەلەل مەن ساراپتاما ەلٸ جوق", - دەيدٸ فەرما يەسٸ.
ۆەتەرينارييالىق دەرٸحانا وقيعاعا قاتىستى پٸكٸر بٸلدٸرمەدٸ. ال مال ٶلەكسەسٸن زەرتحانادا تەكسەرگەن مامانداردىڭ ايتۋىنشا, فەرما يەسٸ الدىمەن مال دەرٸگەرٸنە حابارلاسىپ, سودان كەيٸن عانا دەرٸ-دەرمەك ساتىپ الۋى كەرەك ەدٸ.
"فەرما يەسٸ بۇل دەرٸ-دەرمەكتٸ تەۋەلسٸز زەرتحاناعا زەرتتەۋگە ٶز قاراجاتىنا جٸبەرە الادى. بٸز ٶز تاراپىمىزدان ساراپتاماعا جٸبەردٸك. نەتيجەسٸ 9 كٷننەن كەيٸن بولادى", – دەيدٸ تٷركٸستان وبلىسى ۆەتەرينارييا قىزمەتٸ باسشىسىنىڭ ورىنباسارى ەلمەت ورازبەكوۆ.
سامات قادىروۆ ٶز قۇقىعىن سوت ارقىلى قورعاماقشى.
