سارىاعاش اۋدانىندا مال ۇرلىعىمەن اينالىسقان ۇيىمداسقان توپ مٷشەلەرٸ سوتتالدى, دەپ حابارلايدى قازاقپارات.
اۋداندىق پوليتسييا بٶلٸمٸنە بٸرنەشە تۇرعىن ارىزدانىپ, جايىلىمدا جٷرگەن 24 باس جىلقى مەن 15 سيىردى بەلگٸسٸز بٸرەۋلەر ۇرلاپ كەتكەنٸن جەتكٸزگەن.
جەبٸرلەنۋشٸلەرگە كەلگەن شىعىننىڭ كٶلەمٸ 25 000 000 تەڭگەنٸ قۇراعان.
جەدەل-تەرگەۋ توبى اقپارات الىسىمەن وقيعا ورنىنا اتتانىپ, جەدەل شارالاردى جٷرگٸزدٸ.
نەتيجەسٸندە مال ۇرلىعىنا قاتىسى بار كٷدٸكتٸلەردٸڭ جەكە باسى انىقتالىپ, كٷدٸكتٸ رەتٸندە تانىلعان 5 جەرگٸلٸكتٸ تۇرعىن پوليتسييا بٶلٸمٸنە جەتكٸزٸلدٸ.
پوليتسەيلەر ٸستٸ ايىپتاۋ اكتٸسٸمەن بٸرگە سوتقا جولدادى.
نەتيجەسٸندە سوت شەشٸمٸمەن كٷدٸكتٸ دەپ تانىلعان 5 ازاماتتىڭ ەكەۋٸ 7 جىل مەرزٸمگە سوتتالسا, قالعان 3 كٷدٸكتٸنٸڭ باس بوستاندىعى 7 جىلعا شەكتەلدٸ.
