فوتو: اشىق دەرەككٶز
تٷركٸستان وبلىستىق مامانداندىرىلعان اۋدانارالىق سوتىندا ەل-جۇرتتى دٷر سٸلكٸندٸرگەن اتىشۋلى ٸسكە سوت نٷكتەسٸ قويىلدى. ايىپتاۋ ورىنىندا 71 جاستاعى كەلەس اۋدانى ەڭبەكشٸ اۋىلىنىڭ تۇرعىنى وتىر. ول اعايىنىنىڭ 16 جاستاعى قىزىن قورلاعانى ٷشٸن جاۋاپقا تارتىلدى, دەپ حابارلايدى Ult.kz.
«جەبٸرلەنۋشٸ مەن سوتتالۋشى كٶرشٸ تۇرعان. قىزدىڭ اناسى استاناعا, ەكەسٸ قاراۋىل بولىپ مازاراتقا كەتكەندە ول قىزدىڭ ٷيٸنە ۇرلانىپ كٸرگەن. قىز بالا ٷيٸندە سٸڭلٸسٸمەن عانا قالعان ەكەن. سٶيتٸپ, تۋىسىن قورلايدى. العاشقى كٷنٸ جاساعان ازعىندىعىن ول ٷش كٷن قاتارىنان جالعاستىرادى. سوڭىندا جەتكٸنشەك جٷكتٸ بولىپ قالعان» - دەيدٸ سۋديا دەۋرەن ماداليەۆ.
كەلەستەگٸ سۇمدىق وقيعا بالا دٷنيەگە كەلگەن سوڭ بٸر-اق بەلگٸلٸ بولدى. اۋىل جۇرتى دٷر سٸلكٸنٸپ, اعايىنىنىڭ قىزىن ازعىنداعان قارييانى وتباسىمەن قوسا كٶشٸپ كەتۋٸن تالاپ ەتتٸ. وسىدان كەيٸن پوليتسييا كٷدٸكتٸنٸ قاماپ, قىلمىستىق ٸس قوزعالدى.
كەمەلەت جاسىنا تولماعان بالانى زورلاپ, بٶتەننٸڭ ٷيٸنە ۇرلانىپ كٸرگەنٸ ٷشٸن جاۋاپقا تارتىلعان سوتتالۋشى كٸنەسٸن سول كٷيٸ مويىنداعان جوق. ەسەسٸنە سوت مەديتسينالىق ساراپتاماسى جەبٸرلەنۋشٸدەن تۋعان بالا سوتتالۋشىنىڭ ۇرپاعى ەكەنٸن 99,9 پايىزبەن دەلەلدەدٸ. سٶيتٸپ سوت ونى 15 جىل 6 ايعا سوتتادى.
«اتالعان باپتار بويىنشا جازا مەرزٸمٸ 15 جىلدان 17 جىلعا دەيٸن بەرٸلۋٸ كەرەك ەدٸ. الايدا سوت سوتتالۋشىنىڭ دەنساۋلىعى مەن ەرەسەك جاسىن ەسكەرٸپ, 15 جىل 6 اي جازا مەرزٸمٸن تاعايىندادى», - دەيدٸ سۋديا دەۋرەن ماداليەۆ.
ەسكە سالايىق, 2024 جىلى بولعان جاعا ۇستاتارلىق جاعداي 2025 جىلدىڭ قازانىندا بٸر-اق بەلگٸلٸ بولعان ەدٸ. جەبٸرلەنۋشٸنٸڭ ەكەسٸ مەن سوتتالۋشىنىڭ ەكەلەرٸ اعايىندى. ەرٸ ٶزدەرٸ كٶرشٸ تۇرعان. ولار تەرگەۋ كەزٸندە مورالدىق شىعىندى ٶتەپ, سوتتا ول سۇرالماعان ەكەن.
