تٷركٸستان وبلىسىن گازداندىرۋ باعىتىنداعى جۇمىس جٷيەلٸ ەرٸ ساپالى اتقارىلۋعا تيٸس. وبلىس ەكٸمٸ دارحان ساتىبالدىنىڭ تٶراعالىعىمەن ٶتكەن مەجٸلٸستە سوزاق, ساۋران, بەيدٸبەك, ورداباسى اۋداندارى مەن كەنتاۋ جەنە تٷركٸستان قالالارىن گازبەن قامتۋ جۇمىستارى مەن ٶزەكتٸ مەسەلەلەرٸ تالقىلاندى. ٶڭٸر باسشىسى اۋدان, قالا ەكٸمدەرٸنە جۇمىستى شيراتۋدى تاپسىرىپ, بٸرقاتار جاۋاپتى تۇلعاعا اۋىزشا ەسكەرتۋ بەردٸ.
«اۋداندار مەن قالالاردى ارالاۋ بارىسىندا تۇرعىندار كوممۋنالدىق-شارۋاشىلىق, ەسٸرەسە, گاز مەسەلەسٸن كٶتەرەدٸ. تۇرعىنداردى گازبەن قامتۋ – بٸزدٸڭ مٸندەتٸمٸز. جۇمىسىن دۇرىس اتقارماعان مەردٸگەرلەرمەن زاڭ اياسىندا سٶيلەسٸڭٸزدەر. گازبەن قامتۋ بويىنشا اۋداندار جول كارتالارىن ۇسىنسىن. وسى بٸر جوسپار نەگٸزٸندە جٷيەلٸ جۇمىس اتقارايىق. ەكٸنشٸدەن, اۋدان, قالا ەكٸمدٸكتەرٸ مەن باسقارمالار اراسىندا بايلانىس بولۋى كەرەك. حابارلاسىپ, ەل مٷددەسٸنە قاتىستى ەربٸر مەسەلەنٸ جەدەل شەشۋدٸ قولعا العان جٶن. گازدى كٷتٸپ وتىرعان اۋىلدار بار. كەزەڭ-كەزەڭٸمەن بيۋدجەتكە ەنگٸزٸپ, تيٸستٸ جۇمىستاردى اتقارۋ قاجەت», – دەدٸ دارحان ساتىبالدى.
تٷركٸستان وبلىسىنىڭ ەنەرگەتيكا جەنە تۇرعىن ٷي-كوممۋنالدىق شارۋاشىلىق باسقارماسى باسشىسىنىڭ ورىنباسارى روزا ساريەۆانىڭ ايتۋىنشا, 2022 جىلعى 1 قاڭتارداعى جاعداي بويىنشا 831 ەلدٸ مەكەننٸڭ 457-سٸ تابيعي گازبەن قامتىلعان. ەلدٸ مەكەندەگٸ حالىق سانىمەن ەسەپتەسە, 1 ملن. 529 مىڭ تۇرعىن نەمەسە تۇرعىنداردىڭ 73,7 پايىزى تابيعي گازدى قوسۋ مٷمكٸندٸگٸنە قول جەتكٸزگەن.
2022 جىلى 70 نىساننىڭ قۇرىلىسىنا 15,9 ملرد. تەڭگە بٶلٸنٸپ, ونىڭ ٸشٸندە 9 نىساننىڭ (10 ەلدٸ مەكەن, 1 اگتس, 32198 تۇرعىن) قۇرىلىسى 2022 جىلى اياقتالادى. قالعان 61 نىسان 2023 جىلعا ٶتپەلٸ.
بيىلعى جىل قورىتىندىسىمەن, 467 ەلدٸ مەكەن (56,2%) نەمەسە 1 ملن. 561 مىڭ حالىق (75,2%) تابيعي گازدى قوسۋعا مٷمكٸندٸك الادى.
الداعى 3 جىلدا قوسىمشا 255 ەلدٸ مەكەندٸ تابيعي گازعا قوسىپ, نەتيجەسٸندە 2025 جىلى قامتۋ دەڭگەيٸ 722 ەلدٸ مەكەنگە (86,8%) نەمەسە 2 ملن. حالىققا جەتكٸزٸلمەك.
بيىل باسقارمانىڭ ماماندارى اۋدان, قالا ەكٸمدٸكتەرٸمەن بٸرلەسٸپ, قۇرىلىسى جٷرگٸزٸلٸپ جاتقان نىساننىڭ 70-ٸنە زەردەلەۋ جۇمىستارىن جٷرگٸزٸپ, وننان استامىنان كەمشٸلٸكتەر انىقتالعان. تيٸستٸ ۇسىنىستار بەرٸلٸپ, كەمشٸلٸكتەردٸ جويۋ جۇمىستارى قولعا الىنعان.
جيىندا سوزاق, ساۋران, بەيدٸبەك, ورداباسى اۋداندارى مەن كەنتاۋ جەنە تٷركٸستان قالالارى باسشىلارىنىڭ گازعا قاتىستى ۇسىنىستارى مەن ەسەپتەرٸ تىڭدالىپ, وبلىس ەكٸمٸ تاراپىنان تيٸستٸ تاپسىرمالار بەرٸلدٸ.
