وبلىستىق مەملەكەتتٸك كٸرٸستەر دەپارتامەنتٸ قۇرامىندا التى شەكارالىق, ەكٸ ٸشكٸ كەدەن بەكەتٸ قىزمەت اتقارادى. ٶزبەكستان رەسپۋبليكاسى اراسىندا تاۋار اينالىمى اعىمداعى جىلدىڭ 11 ايىندا 447 ملن. اقش دوللارىن قۇراپ, ٶتكەن جىلمەن سالىستىرعاندا 27,7 پايىزعا ٶستٸ. بۇل تۋرالى تٷركٸستان وبلىسىنىڭ ٶڭٸرلٸك كوممۋنيكاتسييالار قىزمەتٸندە وبلىستىق مەملەكەتتٸك كٸرٸستەر دەپارتامەنتٸ باسشىسىنىڭ ورىنباسارى ەلدوس ساۋداباەۆ مەلٸمدەدٸ, دەپ حابارلايدى "ۇلت اقپارات".
2018 جىلدىڭ 11 ايلىق قورىتىندىسى بويىنشا دەپارتامەنتتٸڭ كەدەن بەكەتتەرٸمەن 14 539 تاۋارلارعا ارنالعان دەكلاراتسييا رەسٸمدەلگەن. بۇل بىلتىرعىعا قاراعاندا 16,2 پايىزعا ٶسكەندٸگٸن كٶرسەتٸپ وتىر.
«دەپارتامەنتتٸڭ كەدەن بەكەتتەرٸ ارقىلى 174 865 جٷك اۆتوكٶلٸك قۇرالدارى ٶتٸپ, ٶتكەن جىلمەن سالىستىرعاندا 63,7 پايىزعا ٶسكەن. سونداي-اق, 244 310 جەڭٸل اۆتوكٶلٸك شەكارادان ٶتكەن. بۇدان ٶزگە, 17 019 264 ازامات شەكارادان ٶتٸپ, بىلتىرعىعا قاراعاندا 46,8 پايىزعا كٶبەيگەن. كەدەن بەكەتتەرٸندە كەزەكتە تۇرعان اۆتوكٶلٸك قۇرالدارىنىڭ ٶتۋٸن جىلدامداتۋ ماقساتىندا كەدەن بەكەتٸنە قوسىمشا قىزمەتكەرلەر مەن جۇمىس ورىندارى كٶبەيتٸلدٸ. سونداي-اق, اۆتوكٶلٸك قۇرالدارىنىڭ ٶتكٸزۋ قابٸلەتتٸلٸگٸن ارتتىرۋ ماقساتىندا, 2019 جىلدىڭ اقپان ايىنان باستاپ «ب.قونىسباەۆ» ٶتكٸزۋ پۋنكتٸنٸڭ قايتا قۇرۋ قۇرىلىسىنىڭ باستالۋى جوسپارلانۋدا. بۇل جوبادا اۆتوكٶلٸكتەردٸڭ كٸرٸپ-شىعۋ جولاقتارى 2 دەن 6 جولاققا دەيٸن ۇلعايۋ قاراستىرىلعان», - دەدٸ ەلدوس ەرماعانبەتۇلى.
دەپارتامەنتتٸڭ قىزمەت ەتۋ ايماعىندا ەۋرازييالىق ەكونوميكالىق وداقتىق كەدەن شەكاراسى ارقىلى ٶتكٸزٸلگەن تاۋارلار مەن تۇلعالارعا قاتىستى 514 ەكٸمشٸلٸك ٸس قوزعالعان. ودان باسقا, 33 فاكتٸ بويىنشا قىلمىستىق ٸس قوزعالىپ, ونىڭ ٸشٸندە, 31 فاكتٸ بويىنشا ەسٸرتكٸ زاتتاردى تاسىمالداۋعا قاتىستى, 1 فاكتٸ مەديتسينالىق پرەپاراتتار بويىنشا جەنە 1 فاكتٸ بويىنشا ەكونوميكالىق كونترابانداعا قاتىستى قىلمىستىق ٸستەر بولىپ وتىر.
سونىمەن قاتار, كەدەندٸك رەسٸمدەردٸ جاڭعىرتۋ مەن كەدەندٸك جەنە سالىقتىق ەكٸمشٸلەندٸرۋ اۆتوماتتاندىرۋ جٷيەلەرٸ جاڭارتىلىپ كەلەدٸ.
