تٷركٸستان وبلىسىندا كٶلگٸنە مايمىل سالىپ الىپ جٷرگەن ازامات جاۋاپقا تارتىلۋى مٷمكٸن, دەپ حابارلايدى "ۇلت اقپارات" تٷركٸستان وبلىسىنىڭ پوليتسييا دەپارتامەنتٸنە سٸلتەمە جاساپ.
«تٷركٸستان وبلىسىنىڭ پوليتسەيلەرٸ ەلەۋمەتتٸك جەلٸگە مونيتورينگ جٷرگٸزۋ كەزٸندە «Instagram» پاراقشالارىنىڭ بٸرٸندە جول جيەگٸندە مايمىلدىڭ ەلەكتر باعانىنىڭ ٷستٸنە شىعىپ كەتٸپ, تٷسە الماي تۇرعانى تٷسٸرٸلگەن بەينەجازبانى انىقتادى»,-دەلٸنگەن جازبادا.
بۇل ۆيدەو بويىنشا سارىاعاش اۋداندىق پوليتسييا بٶلٸمٸنٸڭ قىزمەتكەرلەرٸ بٸردەن ٸستٸڭ مەن-جايىن انىقتاۋعا كٸرٸسكەن. وقيعانىڭ سارىاعاش قالاسىنداعى كٶشەلەردٸڭ بٸرٸندە بولعانى انىقتالدى. مايمىلدىڭ يەسٸ سارىاعاش اۋدانىنىڭ تۇرعىنى بولىپ شىقتى.
ونىڭ ايتۋىنشا, ول اتالمىش جانۋاردى تاسىمالداپ بارا جاتقاندا, ابايسىزدا توردان شىعىپ كەتٸپ, جاقىن ماڭداعى ەلەكتر باعانىنا مٸنٸپ العان. ال ونى باعاننان تٷسٸرۋ ٷشٸن يەسٸ پنەۆماتيكالىق قارۋمەن بٸرنەشە رەت اۋاعا وق اتقان. سودان سوڭ مايمىلدى ۇستاپ, قايتا تورىنا سالىپ, الىپ كەتكەن.
«ماكاكا» تۇقىمدى مايمىلدى جەرگٸلٸكتٸ تۇرعىن ٶزبەكستان رەسپۋبليكاسىنان ساتىپ العان, ودان كەيٸن سارىاعاش اۋدانىندا قايتا ساتۋ ٷشٸن الىپ كەتٸپ بارا جاتقانى انىقتالدى.
قازٸرگٸ تاڭدا سارىاعاش اپب قىزمەتكەرلەرٸ مايمىلدىڭ يەسٸنٸڭ جاساعان ٸس-ەرەكەتٸ بويىنشا جاعدايدى زەردەلەپ, تيٸستٸ قۇجاتتارىن تەكسەرٸپ, ەكٸمشٸلٸك جاۋاپكەرشٸلٸگٸن قاراۋ ٷستٸندە.
