Túrkistan oblysynda kólgine maimyl salyp alyp júrgen azamat jaýapqa tartylýy múmkin, dep habarlaidy "Ult aqparat" Túrkistan oblysynyń Politsiia departamentine silteme jasap.
«Túrkistan oblysynyń politseileri áleýmettik jelige monitoring júrgizý kezinde «Instagram» paraqshalarynyń birinde jol jieginde maimyldyń elektr baǵanynyń ústine shyǵyp ketip, túse almai turǵany túsirilgen beinejazbany anyqtady»,-delingen jazbada.
Bul video boiynsha Saryaǵash aýdandyq politsiia bóliminiń qyzmetkerleri birden istiń mán-jaiyn anyqtaýǵa kirisken. Oqiǵanyń Saryaǵash qalasyndaǵy kóshelerdiń birinde bolǵany anyqtaldy. Maimyldyń iesi Saryaǵash aýdanynyń turǵyny bolyp shyqty.
Onyń aitýynsha, ol atalmysh janýardy tasymaldap bara jatqanda, abaisyzda tordan shyǵyp ketip, jaqyn mańdaǵy elektr baǵanyna minip alǵan. Al ony baǵannan túsirý úshin iesi pnevmatikalyq qarýmen birneshe ret aýaǵa oq atqan. Sodan soń maimyldy ustap, qaita toryna salyp, alyp ketken.
«Makaka» tuqymdy maimyldy jergilikti turǵyn Ózbekstan Respýblikasynan satyp alǵan, odan keiin Saryaǵash aýdanynda qaita satý úshin alyp ketip bara jatqany anyqtaldy.
Qazirgi tańda Saryaǵash APB qyzmetkerleri maimyldyń iesiniń jasaǵan is-áreketi boiynsha jaǵdaidy zerdelep, tiisti qujattaryn tekserip, ákimshilik jaýapkershiligin qaraý ústinde.
