فوتو: تٷركٸستان وبلىسى ەكٸمٸنٸڭ باسپاسٶز قىزمەتٸ
تٷركٸستان وبلىسىنىڭ ەكٸمٸ دارحان ساتىبالدىنىڭ تاپسىرماسىنا سەيكەس جەتٸساي اۋدانىنا جۇمىس ساپارىمەن بارعان وبلىس ەكٸمٸنٸڭ ورىنباسارى نۇربول تۇراشبەكوۆ پەن وبلىستىق اۋىل شارۋاشىلىعى باسقارماسىنىڭ باسشىسى نۇربەك بادىراقوۆ ماقتا القاپتارى مەن ماقتا زاۋىتتارىندا, ماقتا قابىلداۋ پۋنكتەرٸندە بولىپ, شارۋالارمەن تٸلدەستٸ, دەپ حابارلايدى «ۇلت اقپارات».
نەگٸزگٸ تابىسىن اگروسەكتوردان الاتىن اۋداندا ٶنٸم كٶلەمٸ مەن ساپاسىن ارتتىرۋ ماقساتىندا تٸك درەناجداردى ٸسكە قوسۋ, ەلدٸ مەكەندەردەگٸ جەراستى سۋىن تٶمەندەتە وتىرىپ كٶگالداندىرۋ, اباتتاندىرۋ بويىنشا اتقارىلىپ جاتقان جۇمىستارمەن تانىستى.
جالپى سانى 380 دانا تٸك درەناجدى ۇڭعىمالاردىڭ 170-ٸ عانا تۇراقتى جۇمىس ٸستەپ تۇرعان اۋداندا 2023 جىلدىڭ قازان ايىندا قر سۋ رەسۋرستارى جەنە يرريگاتسييا مينيسترلٸگٸ «قازسۋشار» رمك تاپسىرىسىمەن «يسلام دامۋ بانكٸ» قارجىسى ەسەبٸنەن 210 دانا تٸك درەناجدى ۇڭعىمالاردى قايتا قالپىنا كەلتٸرۋ جۇمىستارى باستالعان. 2026 جىلى تولىعىمەن اياقتالىپ, ەل يگٸلٸگٸنە تاپسىرىلادى دەپ كٷتٸلۋدە.
جوسپار بويىنشا «كيٸكبايسترويسەرۆيس» جشس ماقتالى, قىزىلقۇم, اباي اۋىلدىق وكرۋگتەرٸندەگٸ 97 دانا تٸك درەناجدى قالپىنا كەلتٸرۋ ارقىلى 16 مىڭ گەكتار القاپتىڭ مەليوراتيۆتٸك جاعدايىن جاقسارتۋ كٶزدەلگەن بولسا, «ارت-قۇرىلىس» جشس ەراليەۆ, ىنتىماق, ش.دٸلدابەكوۆ اۋىلدىق وكرۋگتەرٸندەگٸ 113 دانا تٸك درەناجدى قالپىنا كەلتٸرۋ ارقىلى 20 مىڭ گەكتار القاپتىڭ مەليوراتيۆتٸك جاعدايى قايتا قالپىنا كەلتٸرۋ كٶزدەلۋدە.
قازٸردٸڭ ٶزٸندە «ارت-قۇرىلىس» كومپانيياسى 113 دانا ۇڭعىمانىڭ 60-ىن بۇرعىلاپ ٷلگەرگەن. مەردٸگەرلەر ۇڭعىمالاردى بۇرعىلاۋمەن قاتار كەلەسٸ جىلدىڭ سوڭىنا دەيٸن جالپى ۇزىندىعى 124 شاقىرىمدى قۇرايتىن سۋ قاشىرتقىلارىن قالپىنا كەلتٸرٸلٸپ, 230 شاقىرىم ەلەكتر جٷيەلەرٸن قايتا ٸسكە قوسپاق.
80 مىڭ گەكتارعا تارتا سۋارمالى جەرٸ, 10 مىڭعا جۋىق شارۋا قوجالىعى بار اۋدانىندا بيىلعى جىلى 40,8 مىڭ گەكتار جەرگە ماقتا, 19,7 مىڭ گەكتار جەرگە باقشا, 3,4 مىڭ گەكتار جەرگە كٶكٶنٸس, 7,3 مىڭ گەكتار جەرگە دەندٸك جٷگەرٸ مەن 6,6 گەكتار جەرگە مال ازىقتىق داقىلدار ەگٸلگەن. ٶتكەن جىلى 45,2 گەكتار القاپقا ماقتا داقىلىن ەگٸپ, 122 مىڭ توننا ٶنٸم العان شارۋالار بيىل 106 مىڭ توننا اق التىن جيناۋدى جوسپارلاپ وتىر. بٷگٸندە كٷزگٸ جيىن-تەرٸم ناۋقانى باستالعالى 21 993 گەكتار ماقتالىق القاپ تەرٸلٸپ, 50 102 توننا ماقتا ٶنٸمٸ جينالعان.
321 شارۋا قوجالىعى 1200 گا جەردەن جىلىنا 2 رەت ٶنٸم الۋ جوباسىن ٸسكە اسىرسا, جىلىجايلار مەن پارنيكتەردٸڭ جالپى كٶلەمٸ 23 گەكتارعا, ماقتا, كٶكٶنٸس, باقشا, جەمٸس-جيدەك جەنە جٷزٸم داقىلدارىنداعى تامشىلاتىپ سۋعارۋ تەحنولوگيياسىن ەنگٸزۋ 2800 گەكتارعا جەتكەن.
سونىمەن قاتار, ماقتا جيناۋ ناۋقانىنا بايلانىستى اۋداندا جۇمىس ٸستەپ تۇرعان 7 ماقتا ٶڭدەۋ زاۋىتتارىنىڭ 77 ماقتا قابىلداۋ بەكەتتەرٸ بار. ونىڭ 53-ٸ اۋدان اۋماعىندا ورنالاسقان ماقتا ٶڭدەۋ زاۋىتتارىنا تيەسٸلٸ بولسا, 24-ٸ ماقتارال اۋدانى اۋماعىندا ورنالاسقان ماقتا ٶڭدەۋ زاۋىتتارىنا تيەسٸلٸ. بٷگٸندە اۋدان ەكٸمدٸگٸ مەن اۋداندىق پروكۋراتۋرانىڭ تٸكەلەي ارالاسۋىمەن ماقتا ٶڭدەۋشٸ زاۋىتتار مەن شارۋالار اراسىنداعى قارجىلىق وپەراتسييالاردى جٷرگٸزۋدٸڭ زاڭدىلىعىن ساقتاۋ ماقساتىندا ارنايى كەلٸسٸم-شارت ٷلگٸسٸ جاسالىپ, بارلىق زاۋىتتارعا تاراتىلعان.
شارۋالارمەن كەزدەسۋ بارىسىندا كٷزگٸ جاۋىن-شاشىنعا قالدىرماي ماقتا تەرٸم ناۋقانىن ساپالى ۇيىمداستىرۋ, كٷزگٸ جيىن-تەرٸمگە بەرٸلەتٸن مەملەكەتتٸك قولداۋلاردى ٶز ۋاقىتىندا كٶرسەتۋ, ماقتا باعاسى مەن باسقا دا مەسەلەلەرگە توقتالعان وبلىس ەكٸمٸنٸڭ ورىنباسارى ماقتا قابىلداۋ بەكەتتەرٸندەگٸ تارازىدان الداۋ, زەرتحانالاردا ماقتا ساپاسىن قاساقانا تٶمەندەتۋ سەكٸلدٸ جاعدايلارعا جول بەرمەۋ كەرەكتٸگٸن ەسكەرتتٸ.
