فوتو: Gov.kz.
ماقتاارال اۋدانىندا ماقتا-توقىما كلاستەرٸن دامىتۋدا 2024-2030 جىلعا دەيٸن جالپى قۇنى 70 ملرد. تەڭگەنٸ قۇرايتىن 8 ٸرٸ جوبانى جٷزەگە اسىرۋ جوسپارلانعان. وسى ارقىلى 3020 ادام جۇمىسپەن قامتىلىپ, بيۋدجەتكە قوسىمشا 1 ملرد. 862 ملن. تەڭگە سالىقتىق تٷسٸمدەر تٷسەدٸ دەپ بولجانۋدا, دەپ حابارلايدى Ult.kz.
بۇل تۋرالى وبلىس ەكٸمدٸگٸندە ماقتاارال اۋدانىنىڭ 2030 جىلعا دەيٸنگٸ ەكونوميكالىق دامۋ ستراتەگيياسى تالقىلانعان مەجٸلٸستە ايتىلدى. تٷركٸستان وبلىسىنىڭ ەكٸمٸ دارحان ساتىبالدى ماقتاارالدىڭ دامۋ قارقىنىن ارتتىرۋ كەرەكتٸگٸن ايتىپ, جاۋاپتىلارعا تيٸستٸ تاپسىرمالار بەردٸ.
– بٸز ماقتاارال اۋدانىن دامىتۋدا نەگٸزگٸ باسىمدىقتاردى ايقىنداپ, جوسپارلاپ الماساق, ەكونوميكالىق دامۋ بولمايدى. ناقتى ۇسىنىستار از. دامۋ جوسپارىن ناقتىلاپ, كٷشەيتە تٷسكەن جٶن. ماقتا كلاستەرٸ, اۋىل شارۋاشىلىعىن ەرتاراپتاندىرۋ, سۋ ٷنەمدەۋ تەحنولوگييالارىن ەنگٸزۋ ماڭىزدى. اۋىل شارۋاشىلىعى داقىلدارىن تەرەڭ ٶڭدەۋگە باسىمدىق بەرٸلسٸن. لوگيستيكالىق ەلەۋەتتٸ كٶتەرۋ دە نازارعا الىنسىن. جۇمىستى جانداندىرىڭىزدار, – دەگەن دارحان ساتىبالدى جوسپاردى جەتٸلدٸرۋدٸ تاپسىردى.
ماقتاارال اۋدانىنىڭ ەكٸمٸ باقىت اسانوۆتىڭ ايتۋىنشا, «Cotton ماكتا» جشس تاراپىنان 2025-2026 جىلدار ارالىعىندا جىلدىق قۋاتتىلىعى 10 مىڭ توننا بولاتىن جٸپ يٸرۋ فابريكاسىن سالۋ جوسپارلانۋدا. 800 جاڭا جۇمىس ورنى اشىلادى. «Global Textile» جشس تاراپىنان بٸرلٸك اۋىلدىق وكرۋگٸنەن 10 گەكتار جەرگە 13,8 مىڭ توننا قاتتى جەنە بويالعان جايما ٶڭدەۋ فابريكاسىن سالۋ جوباسى ەزٸرلەنۋدە. بٷگٸنگٸ تاڭعا 10 مىڭ توننا ماقتا شيكٸزاتىن قابىلدايتىن بەكەتٸنٸڭ قۇرلىسى جٷرگٸزٸلۋدە. جوبا قۇنى – 21 ملرد.تەڭگە, 1000 ادامعا جاڭا جۇمىس ورنى اشىلادى دەگەن بولجام بار. «تulpar textile» جشس 2025-2028 جىلدارى 5 مىڭ توننا جٸپ يٸرەتٸن فابريكا سالۋدى كٶزدەپ وتىر.
ال «تاميلا» جشس 2026 جىلى ماقتا قابىلداۋ زاۋىتىن سالۋعا نيەتتٸ. سونىمەن بٸرگە «حلوپكوپروميۋگ» جشس, «ZHANNASYL TEXTILE» جشس, جەنە «ZHYBEK TEXTILE» جشس-لارى دا ماقتا كلاستەرٸ بويىنشا جوبالاردى جٷزەگە اسىرادى.
دامۋ ستراتەگيياسىندا ينۆەستيتسييالىق جوبالارعا باسىمدىق بەرٸلگەن. ماقتاارال اۋدانى بويىنشا 2024-2030 جىلدارعا جالپى قۇنى 94,1 ملرد. تەڭگەگە 53 ينۆەستيتسييالىق جوبانى ٸسكە اسىرۋ جوسپارلانۋدا. اشىلاتىن جۇمىس ورىندارى – 3810. سالىقتىق تٷسٸمدەر 2 ملرد. 451 ملن. تەڭگەگە ۇلعايىپ 10 ملرد. 431 ملن. تەڭگەگە جەتەدٸ دەپ كٷتٸلۋدە. اۋىل شارۋاشىلىعى سالاسىندا جالپى قۇنى 15,8 ملرد. تەڭگە بولاتىن 26 جوبا جٷزەگە اسىپ 541 جۇمىس ورنى قۇرىلادى. ٶنەركەسٸپ سالاسىندا جالپى قۇنى 75,3 ملرد. تەڭگە بولاتىن 16 جوبا جٷزەگە اسىپ, 3100-دەن استام جۇمىس ورنى قۇرىلادى دەپ كٶزدەلگەن سالىقتىق تٷسٸمدەر 1 ملرد. 969 ملن. تەڭگەگە جەتەدٸ دەپ مەجەلەنگەن. تۋريزم سالاسىندا 11 جوبا جٷزەگە اسپاق.
ٶنەركەسٸپ سالاسىنداعى 11 جوبانىڭ, 7-ەۋٸ يندۋستريالدى ايماقتا ورنالاسا, 4 جوبا ارنايى ايماقتاردا جٷزەگە اسپاق. ماقتاارال اۋدانى يندۋستيرالدى ايماعىنىڭ جالپى جەر اۋماعى – 24 گەكتار. قازٸرگٸ تاڭدا اتالعان ايماقتا قۇنى 3 ملرد. 450 ملن. تەڭگەنٸ قۇرايتىن, 137 جۇمىس ورنىن قامتيتىن 4 جوبا جۇمىس ٸستەۋدە. 2024-2030 جىلدارى ارالىعىنا جالپى قۇنى 4 ملرد. 740 ملن. تەڭگەنٸ قۇرايتىن, 7 جوبا جوسپارلانىپ, 100-گە جۋىق جۇمىس ورنى اشىلادى دەپ بولجانۋدا.
ەگٸن شارۋاشىلىعى داقىلدارىن ەرتاراپتاندىرۋ بويىنشا 2030 جىلعا دەيٸن ماقتانى 30 مىڭ گەكتارعا مٶلشەرلەپ, ياعني 3,7 مىڭ. گەكتارعا ازايتىپ, ٶنٸمدٸلٸكتٸ 60 تسەنتنەرگە ۇلعايتۋ جوسپارلانىپ وتىر. ماقتا داقىلىنىڭ 15 مىڭ گەكتارىن سۋ ٷنەمدەۋ تەحنولوگيياسىمەن ەگۋ مەجەلەنگەن. جٷگەرٸ داقىلىن 2,6 مىڭ گەكتاردان 4,1 مىڭ گەكتارعا كٶبەيتۋ, ماش داقىلىن 0,2 مىڭ گەكتاردان 2,1 مىڭ گەكتارعا كٶبەيتۋ جوسپارعا ەنگٸزٸلگەن. 2025 جىلى «Agro Gruz» لوگيستيكالىق كومپانيياسى ارقىلى 10 مىڭ توننا ٶنٸمدٸ ساقتاۋعا ارنالعان قويما اشۋ جوسپارلانىپ وتىر. تۇت اعاشى القابى ۇلعايادى.
