رەسمي تٷردە كوروناۆيرۋس تابىلماعان تٷركٸمەنستاندا وقۋ جىلىنىڭ اياقتالۋىنا بايلانىستى ٶتەتٸن سالتاناتتى كەشتەر ٶتپەيتٸن بولدى. ەلەمدە كوروناۆيرۋس ٸندەتٸ ٶرشٸگەن شاقتا ەنگٸزٸلگەن جاڭا ٶزگەرٸستەرگە بايلانىستى بيلٸك تٷسٸنٸكتەمە بەرمەدٸ. بۇل تۋرالى ازاتتىقتىڭ تٷركٸمەن قىزمەتٸ (ازاتلىك راديوسى) حابارلادى.
اگەنتتٸكتٸڭ جازۋىنشا, مەكتەپ بٸتٸرۋ كەشتەرٸن ٶتكٸزبەۋ تۋرالى شەشٸم 20 مامىردا قالالىق بٸلٸم بەرۋ دەپارتامەنتٸنٸڭ وتىرىسىندا جارييالانعان.
اشعابات مەكتەپتەرٸنٸڭ بٸرٸندە جوعارى سىنىپتا وقيتىن بٸرنەشە وقۋشى ازاتتىق تٸلشٸسٸنە "مۇعالٸمدەر بٸتٸرۋ كەشتەرٸ ٶتپەيدٸ دەدٸ, بٸراق سەبەبٸن تٷسٸندٸرمەدٸ" دەپ ايتقان.
ازاتتىقتىڭ جازۋىنشا, اشعاباتتا مەديتسينالىق تەكسەرۋدەن ٶتۋ ٷشٸن ەمدەۋ مەكەمەلەرٸندە كەزەككە تۇرعان ادامدار كٶبەيگەن. مۇنىڭ الدىندا ٷكٸمەت حالىقتى جاپپاي تەكسەرۋدەن ٶتكٸزۋ تۋرالى جوسپارىن جارييالاعان.
تٷركٸمەنستان - ورتالىق ازييادا رەسمي تٷردە كوروناۆيرۋس تٸركەلمەگەن جالعىز مەملەكەت. بٸراق تەۋەلسٸز باق پەن اشىقتىقتىڭ جوعىن العا تارتقان ساراپشىلار بۇعان كٷمەنمەن قارايدى.
