تٷركٸمەنستان پرەزيدەنتٸ گۋربانگۋلى بەردٸمۇحامەدوۆ ۇلى سەرداردى ەكونوميكا جەنە حالىقارالىق قارجى ۇيىمدارى جٶنٸندەگٸ ۆيتسە-پرەمەر قىزمەتٸنە تاعايىندادى. بۇل جٶنٸندە تٷركٸمەن پرەزيدەنتٸ 9 شٸلدەدە ٶتكەن مينيسترلەر كابينەتٸنٸڭ وتىرىسى كەزٸندە مەلٸمدەدٸ, دەپ حابارلايدى ازاتتىق.
39 جاستاعى سەردار بەردٸمۇحامەدوۆ ۆيتسە-پرەمەر قىزمەتٸنە تاعايىندالا وتىرىپ, وسىعان دەيٸن اتقارعان جوعارى باقىلاۋ پالاتاسىنىڭ تٶراعاسى قىزمەتٸنەن الىنىپ, قاۋٸپسٸزدٸك كەڭەسٸ قۇرامىنان شىعارىلدى.
تٷركٸمەنستان پرەزيدەنتٸ ۇلىنىڭ ساياسي مانسابى 2016 جىلدىڭ اياعىندا باستالدى. سول جىلى ول پارلامەنت مٷشەسٸ بولىپ سايلانعان.
تٷركٸمەنستانداعى رەسمي باسىلىمداردا ونى "حالىق ۇلى" دەپ اتايدى. ال ونىڭ ەكەسٸمەن بٸرگە كٶپ الدىنا شىعۋىن "بۋىندار الماستىعىنىڭ سيمۆولى" رەتٸندە سيپاتتايدى. سەردار تٷركٸمەنستان اتىنان كٶپتەگەن حالىقارالىق كەزدەسۋلەرگە قاتىسقان. تٷركٸمەنستان پرەزيدەنتٸنٸڭ جالعىز ۇلىنىڭ ساياسي مانسابىنىڭ تەز ٶسۋٸن تەۋەلسٸز باقىلاۋشىلار 63 جاستاعى گۋربانگۋلى بەردٸمۇحامەدوۆ بيلٸكتٸ تاپسىراتىن مۇراگەرٸن دايىنداپ جاتىر دەپ تٷسٸندٸرەدٸ.
9 شٸلدەدە بولعان ٷكٸمەت وتىرىسى كەزٸندە پرەزيدەنت ەلٸندەگٸ ەڭ بەدەلدٸ ادامداردىڭ بٸرٸ شامۋحاممەد دۋردىلىەۆتٸ پرەمەر-مينيستردٸڭ ورىنباسارى قىزمەتٸنەن الىپ, "اشعاباد-سيتي" قۇرىلىس جوباسىنىڭ جەتەكشٸسٸ ەتٸپ تاعايىندادى. سونىمەن بٸرگە ورتالىق بانكتٸڭ تٶراعاسى مەردان اننادۋردىەۆ تە قىزمەتٸنەن الىندى.
