تٷركٸمەن-اۋعان شەكاراسىنداعى احۋال ۋشىققان تۇستا تٷركٸمەنستان بيلٸگٸ ەل اراسىندا پاتريوتيزم تۋرالى ناسيحات جٷرگٸزە باستاپ, شەكاراعا قوسىمشا ەسكەري كٷش تارتىپ جاتىر.
مارى جەنە لەباپ وبلىستارىندا بيلٸك جەرگٸلٸكتٸ حالىقپەن كەزدەسٸپ, وتاندى سٷيۋ تۋرالى دەرٸس وقىپ جاتىر, دەپ حابارلايدى ازاتتىق.
"بٸزدە سوعىس جوق, بەيبٸت ٶمٸر كەشٸپ جاتىرمىز, بٸراق سوعىس بولا قالسا, تٷركٸمەن حالقى وتانى ٷشٸن كٷرەسۋگە دايىن" دەپ ايتىلىپ جاتىر بۇل كەزدەسۋلەردە.
ٷگٸت-ناسيحات جۇمىستارى اۋعانستاندا "تاليبان" قوزعالىسى كٷش الىپ, شەكاراعا جاقىن اۋدانداردى باسىپ الىپ جاتقان تۇستا جٷرگٸزٸلٸپ وتىر.
تٷركٸمەنستاننىڭ مەملەكەتتٸك باسىلىمدارى اۋعان شەكاراسىنداعى جاعدايدىڭ ۋشىققانى تۋرالى حابارلاپ جاتقان جوق.
ال حالىق اراسىنداعى كەزدەسۋلەردٸ ۇلتتىق قاۋٸپسٸزدٸك مينيسترلٸگٸنٸڭ قىزمەتكەرلەرٸ جٷرگٸزٸپ جاتىر.
بيلٸك سونداي-اق شەكاراعا جاقىن سەرحەتاباد قالاسىنا (بۇرىنعى كۋشكا) ەسكەريلەر مەن دەرٸگەرلەر جٸبەرٸپ, شەكاراداعى قاۋٸپسٸزدٸكتٸ كٷشەيتۋگە تىرىسىپ وتىر.
ازاتلىق تٸلشٸسٸ تٷركٸمەنستاننىڭ مەملەكەتتٸك شەكارا قىزمەتٸندەگٸ سەنٸمدٸ دەرەككٶزگە سٸلتەي وتىرىپ, اۋعان ازاماتتارىنىڭ تەلٸپتەردەن باس ساۋعالاپ تٷركٸمەن اۋماعىنا ٶتٸپ جاتقانىن, بٸراق شەكاراشىلاردىڭ ولاردى كەرٸ قايتارىپ جاتقانىن ايتادى.
"شەكارانى كٷشەيتۋ جۇمىستارىنىڭ جٷرٸپ جاتقانىنا بٸرنەشە اي بولدى. شەكارانى كەسٸپ, تٷركٸمەن اۋماعىنا ٶتٸپ جاتقاندار كەرٸ قايتارىلىپ جاتىر. ماعان شەكاراعا قوسىمشا ەسكەري كٷش پەن مەدقىزمەتكەرلەر تارتىلىپ جاتقانىن ايتتى. سونداي-اق سەرحەتابادقا پوليتسەيلەردٸ دە جٸبەرٸپ جاتىر. ەگەر كٸمدە-كٸم جۇمىسىندا قاتەلٸك جٸبەرسە, ونى 22 كٷنگە سەرحەتابادقا جولدايدى. وسى جاعدايدان سوڭ كەي پوليتسەيلەر جۇمىستان شىققىسى كەلەدٸ, بٸراق ولاردى جٸبەرمەي وتىر" دەيدٸ دەرەككٶز.
ونىڭ سٶزٸنشە, شەكاراعا مەدقىزمەتكەرلەردٸ 15-20 كٷنگە جٸبەرٸپ جاتىر. تٸپتٸ شەكارا اۋماعىنا جٸبەرٸلەتٸن مەدقىزمەتكەرلەردٸڭ تٸزٸمٸ دە جاسالعان.
سەنٸمدٸ دەرەككٶزدەن الىنعان تاعى بٸر اقپاراتقا قاراعاندا, تٷركٸمەن-اۋعان شەكاراسىنا مارى-1 جەنە مارى-2 ەسكەري بٶلٸمدەرٸنەن قوسىمشا كٷشتەر جٸبەرٸلٸپ جاتىر. ولاردىڭ ٸشٸندە ەسكەري وفيتسەرلەر, تٸكۇشاقتار مەن ۇشاقتار بار.
