فوتو: ۆيدەودان سكرينشوت
سوڭعى كٷندەرٸ ەلەۋمەتتٸك جەلٸلەر مەن باق بەتتەرٸندە امەريكالىق تانىمال ترەۆەل-بلوگەر كوننوردىڭ (@Camperghini) قازاقستان شەكاراسىنداعى قابىلداۋعا كٶڭٸلٸ تولماعانى تۋرالى اقپارات قىزۋ تالقىعا تٷستٸ. Lamborghini Urus كٶلٸگٸن اۆتوٷيگە اينالدىرىپ, ەلەمدٸ شارلاپ جٷرگەن ساياحاتشى «رەسمي شاقىرتۋ السام دا, مەنٸ ەشكٸم قارسى المادى» دەپ ٶكپەسٸن بٸلدٸرگەن ەدٸ. الايدا قر تۋريزم جەنە سپورت مينيسترلٸگٸ بۇل جاعدايعا قاتىستى رەسمي مەلٸمدەمە جاسادى, دەپ حابارلايدى Ult.kz.
بلوگەر نە دەدٸ?
كوننوردىڭ ايتۋىنشا, ونى قازاقستانعا كەلۋگە بٸرنەشە اي بۇرىن شاقىرعان جەنە شەكارادا سالتاناتتى تٷردە, ۇلتتىق ناقىشتا قارسى الۋعا ۋەدە بەرگەن.
«بٸزدٸ رەسمي شاقىرعاندارىن بٸلە تۇرا, شەكارادا "ەلگە نە ٷشٸن كەلە جاتىرسىڭدار?" دەپ جاۋاپقا العانى ٶتە وعاش كٶرٸندٸ. بۇل ٶتە ٶكٸنٸشتٸ, ٶيتكەنٸ مەن بۇل ەلدٸ ەلەمگە جاقسى جاعىنان كٶرسەتكٸم كەلگەن ەدٸ», — دەپ جازدى ول ٶزٸنٸڭ Instagram پاراقشاسىندا.
مينيسترلٸكتٸڭ رەسمي جاۋابى
تۋريزم جەنە سپورت مينيسترلٸگٸ امەريكالىق بلوگەردٸ ۆەدومستۆو تاراپىنان ارنايى شاقىردى دەگەن اقپاراتتى رەسمي تٷردە جوققا شىعاردى. مينيسترلٸك مەلٸمەتٸنشە, ۆەدومستۆو قىزمەتٸندە جەكە تۇلعالاردى جەكەلەي شاقىرۋ تەجٸريبەسٸ جوق.
شەتەلدٸك قوناقتار نەگٸزٸنەن:
- * توپتىق اقپاراتتىق تۋرلار اياسىندا;
- * ارنايى تۋريستٸك قاۋىمداستىقتار ارقىلى;
- * رەسمي ٶتٸنٸش نەگٸزٸندە شاقىرىلادى.
مينيسترلٸك ٶكٸلدەرٸ بلوگەردەن ەشقانداي رەسمي ٶتٸنٸش تٷسپەگەنٸن قاداپ ايتتى.
«كەلٸسسٶز بولدى, بٸراق كەلٸسٸم جاسالمادى»
بۇل مەسەلەگە نٷكتە قويۋ ٷشٸن «Kazakh Tourism» ۇلتتىق كومپانيياسى دا تٷسٸنٸكتەمە بەردٸ. كومپانييا بلوگەرمەن جەكە حات الماسۋ بولعانىن راستادى. دەگەنمەن, ەكٸجاقتى كەلٸسسٶزدەر ناقتى كەلٸسٸمگە كەلمەي اياقتالعان. ياعني, بلوگەر كٷتكەن «سالتاناتتى قارسى الۋ» تۋرالى رەسمي مٸندەتتەمە بەكٸتٸلمەگەن بولىپ شىقتى.
«بٸز ەلٸمٸزدٸڭ تۋريستٸك ەلەۋەتٸن تانىستىرۋعا نيەتتٸ جاندارعا اقپاراتتىق قولداۋ كٶرسەتۋگە ەردايىم دايىنبىز, بٸراق بۇل جاعدايدا ناقتى كەلٸسٸم بولعان جوق», — دەيدٸ «Kazakh Tourism» ٶكٸلدەرٸ.
«رەنٸش جوق»
كوننور قازاقستان حالقىنا دەگەن قۇرمەتٸن جوعالتپاعانىن, ەلدە دوستارى كٶپ ەكەنٸن ايتا كەلە, شەكاراداعى كەلەڭسٸزدٸككە قاراماستان ساياحاتىن جالعاستىراتىنىن جەتكٸزدٸ. ول تٸپتٸ رەنجۋدٸڭ ورنىنا شەكارا ماڭىندا ٶزدەرٸ ٷشٸن «قازاقستاندىق مەرەكە» ۇيىمداستىرىپ, بي بيلەپ, كٶڭٸل كٶتەرگەن.
