ورال قالاسىنىڭ كٶكتەم شاعىن اۋدانىندا «نۇرلى جەر» باعدارلاماسى بويىنشا سالىنعان كٶپ پەتەرلٸ بەس ٷي تۇرعىندارى ٷش ايدان بەرٸ گازى جوق پەتەرلەردە تۇرىپ جاتىر. گاز قىزمەتٸ ٶكٸلدەرٸ گازدى تۇرعىندار ٷيلەرگە تٷگەل قونىستانعاننان كەيٸن قوسۋعا ۋەدە ەتەدٸ. بيلٸك جاعدايعا قاتىستى ەزٸرشە كوممەنتاريي بەرگەن جوق.
100 پەتەرلٸ بەس ٷي ورال - ساراتوۆ تاس جولى بويىندا - قالا شەتٸندەگٸ كٶكتەم جاڭا شاعىن اۋدانىندا مٶڭكەۇلى مەن قامبار باتىر كٶشەلەرٸ قيىلىسىندا سالىنعان. مەملەكەتتٸك قىزمەتشٸلەر مەن «نۇرلى جەر» تۇرعىن ٷي قۇرىلىسى باعدارلاماسى بويىنشا كەزەكتە تۇرعاندار جالعا بەرٸلگەن پەتەرلەردٸ «قازاقستان يپوتەكالىق كومپانيياسىنان» («قيك») العان. مەملەكەتتٸك يپوتەكا پەتەردٸ جالعا الۋ اقىسىن مەرزٸمٸنەن ەرتە جابۋ نەمەسە ساتىپ الۋ قۇقىعىمەن 20 جىل بويى اي سايىن تٶلەپ تۇرۋ شارتىمەن بەرٸلگەن.
قۋانىش تٷڭٸلۋگە ۇلاسقان
جاننا مىرزابەكوۆا مەن كٷيەۋٸ باسپانا كەزەگٸندە بەس جىلدان كٶپ تۇرعان. يپوتەكالىق نەسيە الۋ مٷمكٸندٸگٸ تۋعان كەزدە كٸشكەنتاي ەكٸ بالاسى بار وتباسى بيىل اقپاننىڭ اياعىندا جاڭا پەتەرگە دەرەۋ كٶشٸپ العان. بٸراق مىرزابەكوۆتەردٸڭ قۋانىشى كٶپكە بارماي تٷڭٸلٸسكە اينالعان. ٷيدە ٷش ايدان بەرٸ گاز جوق.
- ەدەن سۋىق, تەرەزەدەن جەل گۋلەيدٸ. قىزىم جيٸ تۇماۋراتىپ قالادى, - دەيدٸ جاننا.
ەيەلدٸڭ سٶزٸنشە, «پلومبا» قويىپ, گازدى قوستىرۋ ٷشٸن ٷي تۇرعىندارىنىڭ كٶبٸ بەس مىڭ تەڭگەدەن ٶتكٸزگەن, بٸراق ٷيگە ەلٸ كٷنگە دەيٸن گاز قوسپاعان. وتباسى بٸرنەشە اي بويى تاماقتى ەلەكتر پەشكە پٸسٸرٸپ وتىر. ايدىڭ سوڭىندا ەلەكتر قۋاتى ٷشٸن تٶلەمگە قىرۋار اقشانىڭ ەسەبٸ كەلەدٸ.
ەلگٸ بەس ٷيگە قىزمەت كٶرسەتەتٸن «تازا اۋدان» كلينينگ كومپانيياسى باسشىسى نۇرجان ايماعامبەتوۆتٸڭ ازاتتىققا حابارلاۋىنشا, اقشا تٶلەنگەنٸ جايلى تٷبٸرتەكتەردٸ 20 پودەزدٸڭ ەكەۋٸ عانا تولىق تاپسىرعان.
- بۇدان بٶلەك, سىرتتاعى گاز قۇبىرىن تارتقان مەردٸگەر كومپانييا - «بالتەمەن» جشس «كوممۋنالدىق قىزمەتتەردٸڭ ەسەپ ايىرىسۋ ورتالىعىمەن» تەحنيكالىق قىزمەت كٶرسەتۋ تۋرالى كەلٸسٸم-شارتقا وتىرماعان, - دەيدٸ كومپانييا باسشىسى.
ايماعامبەتوۆتٸڭ دەرەگٸنشە, تۇرعىنداردىڭ جارتىسىنان كٶبٸ كٸلتتەرٸن العانىمەن, پەتەرلەردە تۇرمايدى.
ەكٸمدٸك ٷندەمەيدٸ
«كوممۋنالدىق قىزمەتتەردٸڭ ەسەپ ايىرىسۋ ورتالىعى» كومپانيياسى ديرەكتورى مٸندەتٸن اتقارۋشى ەرلان احمەتوۆ كٶپ قاباتتى ٷيلەردەگٸ تەحنيكا قاۋٸپسٸزدٸگٸ تالاپتارىنا سٸلتەپ, «ٷيگە تۇرعىنداردىڭ 80 پايىزدان كٶبٸ قونىستانعان كەزدە عانا گازدى قوسۋعا بولادى» دەيدٸ.
- بۇل تالاپ جازاتايىم وقيعالارعا جول بەرمەۋ ٷشٸن قاجەت. ەۋەلٸ پەتەرگە كٸرٸپ, قۇبىرلاردا اقاۋ بار-جوعىن تەكسەرٸپ الماي گازدى قوسا المايمىز. سوندىقتان ەلگٸ ٷيلەرگە گاز قوسپاي وتىرمىز, - دەيدٸ احمەتوۆ.
بۇعان قوسا, «كوممۋنالدىق قىزمەتتەردٸڭ ەسەپ ايىرىسۋ ورتالىعى» باسشىسىنىڭ ايتۋىنشا, كومپانييا ماماندارى گازدى سىرتقى جەنە ٸشكٸ گاز قۇبىرلارى پايدالانۋعا بەرٸلگەننەن كەيٸن عانا قوسادى. «بالتەمەن» كومپانيياسىنىڭ ەرگەن ەسٸمدٸ (اتى-جٶنٸن تولىق اتاۋدان باس تارتتى) ٶكٸلٸ تەلەفون ارقىلى ازاتتىققا:
- بٸزدەن تالاپ ەتٸلگەن نەرسەنٸڭ بەرٸن ٶتكٸزٸپ بەردٸك. قالعانىن قۇرىلىس بٶلٸمٸنەن سۇراڭىزدار, - دەدٸ.
ورال قۇرىلىس بٶلٸمٸ باستىعى مارات مولداشەۆتان كوممەنتاريي الۋ مٷمكٸن بولمادى. شەنەۋنٸكتٸڭ قابىلداۋ بٶلمەسٸ قىزمەتكەرلەرٸ جۋرناليستٸڭ كوممەنتاريي جايلى ٶتٸنٸشٸن باسشىلىققا جەتكٸزۋگە ۋەدە ەتكەن, بٸراق ولار سول كٷيٸ حابارلاسپادى.
بۇدان بٶلەك, بيىلعى مامىردىڭ 11-ٸندە «قازاقستان يپوتەكا كومپانيياسى» «حالىقتىڭ اراسىندا باعدارلاما بەدەلٸن تٷسٸرۋگە جول بەرمەۋ ماقساتىندا» گازدى قوستىرۋعا ىقپال ەتۋٸن سۇراپ, ورال قالاسى ەكٸمٸ ناريمان تٶرەعاليەۆتٸڭ اتىنا حات جولداعان. قالا ەكٸمدٸگٸنٸڭ باسپاسٶز قىزمەتٸ ەزٸرشە كوممەنتاريي بەرمەدٸ.
مٶڭكەۇلى كٶشەسٸندەگٸ ٷيلەردٸڭ بٸرٸ – 89- ٷي تۇرعىندارى جاعدايعا ارالاسۋدى سۇراپ, باتىس قازاقستان وبلىسى ەكٸمٸ التاي كٶلگٸنوۆتٸڭ اتىنا ۇجىمدىق حات جولداعان.
سانات ورىن ەلي, ازاتتىق
