ٸشكٸ ٸستەر مينيسترٸ ەكٸباستۇز قالالىق پوليتسييا باسقارماسىنىڭ باسشىسىن جۇمىسىنان بوساتتى. پاۆلودار وبلىستىق پوليتسييا دەپارتامەنتٸنٸڭ تەرگەۋ باسقارماسىنىڭ لاۋازىمدى تۇلعالارى مەن دەپارتامەنت باسشىسىنىڭ ورىنباسارىنا قاتاڭ سٶگٸس جارييالاندى, دەپ حابارلايدى ٸٸم باسپاسٶز قىزمەتٸ.
ٸشكٸ ٸستەر مينيسترٸ ەرلان تۇرعىمباەۆقا گاز باللونىنىڭ جارىلۋىنان كٷيٸپ قالعان كەلٸنشەك ارىزدانعان بولاتىن. وسىدان كەيٸن ەكٸباستۇز قالاسىنا ارنايى تەكسەرٸس جٸبەرٸلدٸ. سونىڭ نەتيجەسٸ بويىنشا بٸرقاتار لاۋازىمدى تۇلعالار جازالاندى.
رەسمي مەلٸمەتكە سەيكەس, ەكٸباستۇز قالاسىنا مينيسترلٸكتٸڭ بٸر توپ قىزمەتكەرٸ باردى. ولار گاز باللونىنىڭ جارىلۋىنا قاتىستى قىلمىستىق ٸستٸڭ سوزىلىپ كەتۋ سەبەپتەرٸن زەردەلەپ شىقتى. وسى وقيعادا ەكٸ ادام قايتىس بولدى. ال بٸر كەلٸنشەك پەن ونىڭ كٸشكەنتاي قىزى قاتتى كٷيٸپ قالدى.
"قىزمەتتٸك تەكسەرٸس كەزٸندە قىلمىستىق ٸس جٷرگٸزۋ كودەكسٸنٸڭ تالاپتارىن بۇزۋ پەن قىلمىستىق ٸستٸ تەرگەۋ مەرزٸمٸن نەگٸزسٸز توقتاتۋ فاكتٸلەرٸ انىقتالدى. بٷگٸندە وسى تەرتٸپ بۇزۋشىلىقتار ٷشٸن دەل وسى قىلمىستىق ٸسكە جاۋاپتى بولعان باس تەرگەۋشٸ جەنە تەرگەۋشٸ, سونداي-اق, ەكٸباستۇز قالالىق پوليتسييا باسقارماسىنىڭ تەرگەۋ بٶلٸمٸنٸڭ باسشىسى جۇمىستان بوساتىلدى", - دەلٸنگەن رەسمي حابارلامادا.
