تۋربيزنەس ايرىقشا كٷتٸپ وتىرعان جەڭٸلدٸك شارالارىنىڭ بٸرٸ - بلوكپوستاردىڭ الىنۋى. بۇل تۋرالى قر مەدەنيەت جەنە سپورت مينيسترلٸگٸ تۋريزم يندۋستريياسى كوميتەتٸنٸڭ تٶراعاسى داستان رىسبەكوۆ ايتتى, دەپ حابارلايدى قازاقپارات.
«تٶتەنشە جاعداي الىنىپ تاستالعاننان كەيٸن كارانتيندٸك شارالارلاردىڭ جەڭٸلدەتٸلە باستاعانىنا كۋە بولدىق. كٶپتەگەن سالا, ونىڭ ٸشٸندە تۋريزم سالاسى دا ٶز جۇمىسىن بٸرٸندەپ باستاپ جاتىر. ٶڭٸرلەر اراسىندا ەۋە جەنە تەمٸرجول قاتىناستارى قايتا جاندانۋدا. دەگەنمەن, جۇمىس ٷشٸن ەلٸ دە تولىق مٷمكٸندٸك بەرمەيتٸن بٸرقاتار كەدەرگٸ بار ەكەندٸگٸمەن دە كەلٸسەمٸن. تۋربيزنەس ايرىقشا كٷتٸپ وتىرعان جەڭٸلدٸك شارالارىنىڭ بٸرٸ - بلوكپوستاردىڭ الىنۋى. بۇل پروبلەما تاياۋ ۋاقىتتا ٶز شەشٸمٸن تاۋىپ قالادى. ول ٷشٸن كارانتيندٸك شارالاردى بەرٸمٸز ساقتاۋعا تيٸسپٸز», - دەدٸ كوميتەت تٶراعاسى ورتالىق كوممۋنيكاتسييالار قىزمەتٸندەگٸ بريفينگتە.
ونىڭ اتاپ ٶتۋٸنشە, باس سانيتارلىق دەرٸگەردٸڭ №37 قاۋلىسىنا سەيكەس, تۋريستٸك وپەراتورلار مەن تۋريستٸك اگەنتتٸكتەرگە ەڭبەك ۇجىمىنداعى ەپيدەميياعا قارسى رەجيم الگوريتمدەرٸن ساقتاي وتىرىپ, جۇمىس ٸستەۋٸنە رۇقسات بەرٸلگەن. سونداي-اق جەكەلەگەن ٶڭٸرلەردە قوناقٷي قىزمەتٸن كٶرسەتە بەرۋگە بولادى.
«1 ماۋسىمعا قاراي شيپاجايلار, دەمالىس ٷيلەرٸ مەن تۋريستٸك بازالار سىندى تۋريزم نىسانداردىڭ جۇمىس الگوريتمٸ بەكٸتٸلەتٸنٸ كٶزدەلگەن. ولاردىڭ جۇمىس ەرەكشەلٸكتەرٸنە بايلانىستى ايرىقشا شارتتار قاراستىرىلادى. بۇل - باسسەيندەر, جاعاجايلار, ويىن-ساۋىق ايماقتارى جۇمىستارىنا ارنالعان تالاپتار», - دەدٸ داستان رىسبەكوۆ.
