تۋر دە فرانس: "استانا" ٷشٸنشٸ ورىندا كەلەدٸ

1 قىركٷيەك كٷنٸ «تۋر دە فرانس» كٶپكٷندٸگٸنٸڭ تٶرتٸنشٸ كەزەڭٸ ٶتتٸ, دەپ حابارلايدى "ۇلت اقپارات" olympic.kz-كە سٸلتەمە جاساپ.

جارىسقا قاتىسۋشىلار سيستەرون - ورسەر مەرلەتت اراسىندا 160,5 كم قاشىقتىقتى جٷرٸپ ٶتتٸ. تٶرتٸنشٸ كەزەڭ نەتيجەسٸ بويىنشا Team Jumbo - Visma ٶكٸلٸ پريموج روگليچ جەڭٸمپاز اتاندى. تادەي پوگاچار (UAE Team Emirates) ەكٸنشٸ ورىندا بولسا, گييوم مارتەن (Cofidis) ٷزدٸك ٷشتٸكتٸ قورىتىندىلادى. 

«استانا» ۆەلوكومانداسى ساپىنان ٷزدٸك كٶرسەتكٸشكە ميگەل انحەل لوپەس جەتتٸ. ول مەرە سىزىعىن التىنشى بولىپ كەستٸ. قازاقستاندىق ۆەلوشاباندوز الەكسەي لۋتسەنكو بولسا مەرەگە 49-شى بولىپ جەتتٸ. 

ايتا كەتەرلٸگٸ, تٶرت كەزەڭ نەتيجەسٸ بويىنشا «استانا» كوماندالىق ەسەپتە ٷشٸنشٸ ورىندا تۇر.