اقشۇقىر اۋىلىنداعى م. ەبدٸحالىقوۆ اتىنداعى مەكتەپ-گيمنازيياسىنىڭ 9-سىنىبىندا وقيتىن ازيزا نۇرلانقىزى ميلليونەر اتاندى, دەپ حابارلايدى قازاقپارات.
تەۋەلسٸزدٸكتٸڭ 30 جىلدىعىن مەرەكەلەۋ اياسىندا قازاقستان رەسپۋبليكاسى اقپارات جەنە قوعامدىق دامۋ مينيسترلٸگٸ «تەۋەلسٸزدٸك ۇرپاقتارى» گرانتىن تاعايىنداعان ەدٸ. قازاقستاننىڭ مەدەني مۇراسىن تانىمال ەتۋگە, حالىقتىق مەدەني دەستٷرلەر مەن ٶنەردٸ ٸلگەرٸلەتۋگە باعىتتالعان جوبالاردى ٸسكە اسىرۋعا ارنالعان بايقاۋدىڭ «مەدەنيەت» سالاسىنداعى گرانتىن تٷپقاراعاندىق جاس دارىن ازيزا نۇرلانقىزى ولجالاپ, 3 ميلليون تەڭگەنٸ جەڭٸپ الدى.
مۋلتيپليكاتسييا, انيماتسييا جاساۋمەن اينالىساتىن ازيزا ەڭبەك نارىعىندا 72% سۇرانىسقا يە بۇل ماماندىقتى 7-سىنىپ وقىپ جٷرگەندە تاڭداعان. قازٸر ول وسى باعىتتا تالماي ەڭبەكتەنٸپ, ەرتٷرلٸ جوعارعى دەرەجەلٸ بايقاۋلاردان باس بەيگەنٸ قانجىعالاپ جٷر.
«سۋرەتتٸ بالا كٷنٸمنەن سالىپ جٷرگەندٸكتەن, ونى سوتكادا تٷرلٸ گرافيكالىق باعدارلامالاردى قولدانىپ سالۋدى ٷيرەنە باستادىم. سودان باستاپ, مەن العاش قىزعۋشىلىعىم ويانىپ, اتا-انامنان گرافيكالىق سۋرەتتەردٸ سالاتىن پلانشەتتە جۇمىس ٸستەگٸم كەلەتٸنٸن جەتكٸزگەم. اتا-انام سٶزٸمدٸ جەرگە تاستاماي, بٸردەن شىعارماشىلىق قولداۋ بٸلدٸردٸ. مۋلتيپليكاتور–مۋلتفيلمدەر جاسايتىن سۋرەتشٸ دەگەندٸ بٸلدٸرەدٸ. انيماتور كەيٸپكەرلەردٸڭ سىرتقى تٷرٸن انىقتايدى. قيمىلىن سىزىپ, سيۋجەتتٸك جەلٸمەن جۇمىس ٸستەيدٸ. وعان تٷس پەن قييالدى قوسىڭىز. بارلىعى قوسىلىپ سٸز كٶرەتٸن مۋلتفيلم, انيماتسييالىق فيلمدٸ قۇرايدى», - دەيدٸ ازيزا نۇرلانقىزى.
