الماتىدا «المالى» تۇرعىن ٷي كەشەنٸندە تٷن ٸشٸندە وق ادام ۇستالدى, دەپ حابارلايدى "ۇلت اقپارات".
وقيعا ۆيدەوسى ەلەۋمەتتٸك جەلٸدە جارييالانعان بولاتىن. 8 تامىزدا «المالى» تۇرعىن ٷي كەشەنٸنٸڭ اۋلاسىندا اتىلعان وق داۋسى شىققان.
«تٷن ٸشٸندە مۋزىكانى بارىنشا قاتتى قويعان ادامنان داۋىستى باسۋىن سۇراعان ەكٸ تۇرعىن كٷتپەگەن جەردەن وق تيٸپ, جازىم بولا جازداعان. بۇزاقى تاپانشاسىن الىپ شىعىپ, ونىڭ سابىمەن بٸرەۋٸنٸڭ باسىنان ۇرىپ, ولارعا قاراتا وق اتا باستاعان. الايدا پيستولەت ٸشٸندە پاترون بولماعان. تۇرعىندار بۇزاقىنى قولىن قايىرىپ, پوليتسييا كەلگەنشە ۇستاپ تۇرعان», - دەلٸنگەن جازبادا.
جاراقاتتانعان تۇرعىن №7 اۋرۋحاناعا بارىپ باسىنداعى جاراقاتتى تٸككٸزدٸ.
قالالىق پد حابارلاۋىنشا, بۇل وقيعاعا بايلانىستى قر قك 293-بابىنىڭ 2-بابىمەن سوتقا دەيٸنگٸ تەرگەۋ ٸسٸ تٸركەلدٸ.
«تەرگەۋ جۇمىستارىن الاتاۋ اۋداندىق پب جٷرگٸزٸپ جاتىر. پنەۆماتيكالىق تاپانشا 34 جاستاعى تۇرعىننان تەركٸلەنٸپ الىندى. قازٸر سوتقا دەيٸنگٸ تەرگەۋ جٷٷرٸپ جاتىر», - دەدٸ پد.
