ساۋل "كانەلو" الۆارەس (57-2-2, 39 كو) گەنناديي گولوۆكينمەن تريلوگييادا ەكٸنشٸ ايقاستاعى تاكتيكانى قولداناتىنىن مەلٸمدەدٸ, دەپ حابارلايدى Vesti.kz سايتى Fightnews.info پورتالىنا سٸلتەمە جاساپ.
"گولوۆكينمەن جەكپە-جەكتٸ جيٸ كٶرە بەرمەيمٸن. مەن بارلىق ايقاستارىمدى قايتالاپ كٶرەمٸن, بار بولعانى سول. ەكٸنشٸ كەزدەسۋدە ەڭ جاقسى گەيمپلان بولدى. تريلوگييادا سونى قولدانۋ كەرەك.
تريلوگييا ەكٸنشٸ جەكپە-جەككە ۇقساس ٶتەدٸ, بٸراق, ٶزٸمدٸ كٷشتٸرەك سەزٸنەمٸن. ايىرماشىلىق وسىدا. گولوۆكين مىقتى, الايدا, ول كٷشتٸرەك بولا تٷستٸ مە بٸلمەيمٸن. ونىمەن جۇدىرىقتاسۋ كەرەك, سوسىن ايتامىن. ال جالپى, ول سول كٷيٸ مە, جوق پا, تٷكٸرگەنٸم بار. مەن جاقسىلاپ دايىندالامىن. ول كٷشتٸرەك بولىپ كەلسە دە بەرٸبٸر. قازٸر ول مەنٸڭ قارسىلاسىم جەنە ونى ساباعىم كەلەدٸ", - دەيدٸ ساۋل.
ەسكە سالايىق, گولوۆكين مەن "كانەلونىڭ" ٷشٸنشٸ جەكپە-جەگٸ 17 قىركٷيەكتە ەكٸنشٸ ورتا سالماقتا ٶتەدٸ. كەزدەسۋ لاس-ۆەگاستاعى (نەۆادا, اقش) T-Mobile Arena-دا بولادى. الدىڭعى ەكٸ جەكپە-جەك تە وسىندا ٶتكەن. بٸرٸنشٸسٸ كەزدەسۋ داۋلى تەڭ نەتيجەمەن اياقتالدى, ال ەكٸنشٸدە تٶرەشٸلەردٸڭ شەشٸمٸمەن مەكسيكالىق جەڭٸسكە جەتتٸ.
