ەلەمدە 2020-2025 جىلدار ارالىعىندا COVID-19 ەسەرٸ سالدارىنان تۋبەركۋلەزگە شالدىققان 1,4 ميلليون ناۋقاس قايتىس بولۋى مٷمكٸن. بۇل تۋرالى 18-19 قاراشادا ٶتكەن «تۋبەركۋلەزدٸ توقتاتۋ» سەرٸكتەستٸك كەڭەسٸ باسقارماسىنىڭ 33-وتىرىسىندا ايتىلدى, دەپ حابارلايدى "ۇلت اقپارات".
وتىرىسقا قر دەنساۋلىق ساقتاۋ مينيسترٸ الەكسەي تسوي قاتىستى.
«ەلەمدٸك قاۋىمداستىق تۋبەركۋلەزگە شالدىققان ەربٸر ناۋقاستى نازاردان, مەديتسينالىق جەنە ەلەۋمەتتٸك كٶمەكتەن تىس قالدىرماۋى كەرەك. ەسٸرەسە پاندەمييا كەزٸندە. ونىڭ ٷستٸنە, دٷنيەجٷزٸلٸك دەنساۋلىق ساقتاۋ ۇيىمىنىڭ باعالاۋى بويىنشا 2020-2025 جىلدار ارالىعىندا 6,3 ميلليون ادام تۋبەركۋلەزگە شالدىعادى جەنە COVID-19 ەسەرٸ سالدارىنان 1,4 ميلليون ناۋقاس قايتىس بولۋى مٷمكٸن», - دەلٸنگەن قر دەنساۋلىق ساقتاۋ مينيسترلٸگٸنٸڭ اقپاراتىندا.
«ەلەم ەلدەرٸ بٸرٸگٸپ كٷرەسكەندە عانا قوعامدىق اۋرۋعا اينالعان تۋبەركۋلەزدٸ جويا الامىز», - دەدٸ ا. تسوي.
جيىن اياسىندا افريكا دەنساۋلىق ساقتاۋ مينيسترلەرٸنٸڭ قاتىسۋىمەن دٶڭگەلەك ٷستەل وتىرىسى ٶتتٸ. وندا مينيستر الەكسەي تسوي ەلەمدٸك قوعامداستىقتى, ەسٸرەسە كوروناۆيرۋس ينفەكتسيياسى پاندەميياسى كەزٸندە مەديتسينالىق-سانيتارلىق العاشقى كٶمەكتٸ كٷشەيتۋگە شاقىردى. مينيستر قازٸر قازاقستاننىڭ تۋبەركۋلەزبەن اۋىراتىن ناۋقاستارعا ستاتسيونارلىق دەڭگەيدە كٶمەك كٶرسەتۋ مودەلٸنەن مساك جەنە ستاتسيوناردى الماستىراتىن ەمدەۋ مودەلٸنە كٶشكەنٸن حابارلادى.
«بٸز تۋبەركۋلەزگە قارسى ۇيىمداردى قارجىلاندىرۋدىڭ جاڭا تەتٸگٸن ەزٸرلەدٸك. تٶسەك-ورىن قورىن قىسقارتۋ ەسەبٸنەن ٷنەمدەلگەن قاراجات قايتا بٶلٸنەدٸ. وسىلايشا, تۋبەركۋلەزگە شالدىققان ناۋقاستاردى امبۋلاتورييالىق ەمدەۋ مٷمكٸندٸگٸ كەڭەيدٸ, ەمدەۋ مەن پروفيلاكتيكادا جاڭا تەحنولوگييالار قولدانىلۋدا, مساك دەڭگەيٸندە ناۋقاستارعا پسيحو-ەلەۋمەتتٸك قولداۋ كٶرسەتٸلەدٸ», - دەدٸ تسوي.
