دەنساۋلىق ساقتاۋ مينيسترلٸگٸ سەۋٸردە ٶڭٸرلەرگە جەتكٸزٸلەتٸن كوروناۆيرۋسقا قارسى ۆاكتسينا كٶلەمٸن ارتتىردى. بۇل تۋرالى دەنساۋلىق ساقتاۋ مينيسترٸ الەكسەي تسوي مەلٸمدەدٸ, - دەپ حابارلايدى "ۇلت اقپارات".
«اعىمداعى ەپيدەميولوگييالىق احۋالدى ەسكەرە وتىرىپ, سەۋٸردە نۇر-سۇلتانعا جەتكٸزٸلەتٸن ۆاكتسينا مٶلشەرٸ 284 مىڭ, الماتىعا - 464 مىڭ, شىمكەنتكە - 172 مىڭ, الماتى وبلىسىنا - 232 مىڭ, قاراعاندى وبلىسىنا - 217 مىڭ دوزاعا دەيٸن كٶبەيدٸ», - دەدٸ تسوي ٷكٸمەت وتىرىسىندا.
ونىڭ ايتۋىنشا, سەۋٸردە ۆاكتسينانىڭ 2 ميلليون دوزاسىن جەتكٸزۋ كٷتٸلەدٸ. بۇل ادامداردىڭ 23,4 پايىزىن ۆاكتسيناتسييالاۋعا مٷمكٸندٸك بەرەدٸ. ال بٸرٸنشٸ جارتىجىلدىقتا 6 ميلليوننان اسا دوزا ۆاكتسينا الۋ جوسپارلانعان.
«ٶندٸرۋشٸلەرمەن جٷرگٸزٸلٸپ جاتقان كەلٸسسٶزدەردٸ ەسكەرە وتىرىپ, قازاقستانعا بٸرٸنشٸ جارتىجىلدىقتا ۆاكتسينانىڭ 6 ملن-نان استام دوزاسىن جەتكٸزۋ جوسپارلانعان. بۇل ۆاكتسيناتسييالاۋعا جاتاتىن كونتينگەنتتٸڭ 64 پايىزىن قامتۋعا مٷمكٸندٸك بەرەدٸ. اتالعان كٶلەم كۆي-گە قارسى ۆاكتسيناتسييالاۋعا جاتاتىن كونتينگەنتتٸ بارىنشا كەڭەيتۋگە جەنە تەگٸن ەكپە الۋعا نيەت بٸلدٸرگەن تۇلعالارعا قولجەتٸمدٸلٸكتٸ قامتاماسىز ەتۋگە مٷمكٸندٸك بەرەدٸ», - دەپ تولىقتىردى مينيستر.
ونىڭ اتاپ ٶتۋٸنشە, ۇجىمداردا جەنە ادامدار كٶپ جينالاتىن ورىنداردا ۆاكتسيناتسييالاۋ جٷرگٸزۋگە جىلجىمالى ەگۋ پۋنكتەرٸ جۇمىلدىرىلادى.
«وسىعان وراي وبلىستاردىڭ, الماتى, نۇر-سۇلتان جەنە شىمكەنت قالالارىنىڭ ەكٸمدەرٸ حالىقتى كۆي-گە قارسى ۆاكتسيناتسييالاۋمەن قامتۋدى ارتتىرۋ ٷشٸن ادامدار كٶپ جينالاتىن جەرلەردە ۋاقىتتا ەگۋ پۋنكتتتەرٸن/بريگادالاردى ۇيىمداستىرۋى; كٶشپەلٸ ەگۋ بريگالارىن ەكپە جٷرگٸزۋ ٷشٸن تەرموكونتەينەرلەرمەن جەنە ۆاكتسينا ساقتاۋعا ارنالعان توڭازىتقىش جابدىقتاردىڭ جەتكٸلٸكتٸ سانىمەن قامتاماسىز ەتۋٸ قاجەت», - دەدٸ الەكسەي تسوي.
سونداي-اق, مينيستر وبلىستار جەنە الماتى, نۇر-سۇلتان, شىمكەنت قالالارى ەكٸمدەرٸنە حالىقتى ۆاكتسيناتسييالاۋ ٷشٸن جاعداي جاساۋدى تاپسىردى.
