2019 جىلى «تسيفرلىق قازاقستان» مەملەكەتتٸك باعدارلاماسىن ٸسكە اسىرۋ اياسىندا 8 مىڭ جۇمىس ورنى قۇرىلدى, دەپ حابارلايدى "ۇلت اقپارات" قر پرەمەر-مينيسترٸنٸڭ باسپاسٶز قىزمەتٸنە سٸلتەمە جاساپ.
قازٸرگٸ ۋاقىتتا قازاقستاندىق ەكونوميكانى تسيفرلاندىرۋدىڭ ارتىپ كەلە جاتقان ٶزەكتٸلٸگٸ ەلەمدٸك ارەنادا ەلٸمٸزدٸڭ ودان ەرٸ ەكونوميكالىق ٶسۋٸ مەن بەسەكەگە قابٸلەتتٸلٸگٸن قامتاماسىز ەتۋگە مٷمكٸندٸك بەرەدٸ. وسى ماقساتقا جەتۋدٸڭ نەگٸزگٸ قۇرالى — «تسيفرلىق قازاقستان» مەملەكەتتٸك باعدارلاماسى.
تسيفرلاندىرۋ ۇلتتىق ەكونوميكانىڭ قوزعاۋشى كٷشٸ جەنە تۇراقتى جۇمىس ورىندارىن قۇرۋشى بولا الادى. تسيفرلاندىرۋ جۇمىس ورىندارىن قۇرۋدىڭ جاڭا تولقىنىن باستاۋعا مٷمكٸندٸك بەرەتٸن قازاقستان ەكونوميكاسىنا جاڭا تەحنولوگييالاردىڭ بەيٸمدەلۋٸ مەن ولاردى ەزٸرلەۋدٸڭ قوزعاۋشى كٷشٸنە اينالادى. 2019 جىلى «تسيفرلىق قازاقستان» مەملەكەتتٸك باعدارلاماسىنىڭ ٸس-شارالارىن جٷزەگە اسىرۋ اياسىندا 8 مىڭ جۇمىس ورنى قۇرىلدى.
باعدارلامادان تٷسكەن جالپى ەكونوميكالىق تيٸمدٸلٸك 2018 جەنە 2019 جىلدارى 600 ملرد تەڭگەدەن استى. مەملەكەتتٸك قىزمەتتەردٸ ۇسىنۋ, بٸلٸم بەرۋ, دەنساۋلىق ساقتاۋ, قارجى, كٶلٸك جەنە تاۋ-كەن مەتاللۋرگيياسى سالالارىندا تسيفرلىق تەحنولوگييالاردى ەنگٸزۋدە ايتارلىقتاي ەلەۋلٸ جەتٸستٸكتەرگە قول جەتكٸزٸلدٸ.
تسيفرلىق تەحنولوگييالاردىڭ ودان ەرٸ ينتەگراتسييالانۋى قازاقستاننىڭ ەلەمدەگٸ بەسەكەگە اسا قابٸلەتتٸ 30 ەلدٸڭ قاتارىنا ەنۋٸ ٷشٸن جەنە قازاقستاندىقتاردىڭ ەل-اۋقاتىن جاقسارتۋ ٷشٸن ٶتە ماڭىزدى.
ەلەكتروندى ەڭبەك بيرجاسى
ەلەۋمەتتٸك-ەڭبەك سالاسىن تسيفرلاندىرۋ تۇرعىسىنان ەلەكتروندى ەڭبەك بيرجاسى سەتتٸ جۇمىس ٸستەپ تۇر. سونىڭ نەتيجەسٸندە جۇمىسقا ورنالاستىرۋ پروتسەسٸ ەكٸ ەسەگە قىسقاردى, ال جالپى پروتسەدۋرانىڭ ٶزٸ ايقىندانا تٷستٸ.
2019 جىلى ەلەكتروندىق ەڭبەك بيرجاسى ارقىلى 488 مىڭنان استام جۇمىس ٸزدەۋشٸ جۇمىسقا ورنالاستىرىلدى, ولاردىڭ ٸشٸندە 350 مىڭ ادام تۇراقتى جۇمىس ورىندارىنا ورنالاستى.
سونداي-اق, ەلەكتروندى ەڭبەك شارتتارى ٸسكە قوسىلىپ, بٷگٸندە 742 مىڭ ەلەكتروندىق كەلٸسٸمشارت جاسالدى. 2019 جىلدىڭ قورىتىندىسى بويىنشا ەلەۋمەتتٸك ەڭبەك سالاسىندا 9,8 ملن-نان استام قىزمەت كٶرسەتٸلدٸ, ال مەملەكەتتٸك قىزمەتتەردٸڭ 80%-ى ەلەكتروندى فورماتتا ۇسىنىلدى.
تسيفرلىق جوبالاردى ٸسكە اسىرۋدىڭ ارقاسىندا جۇمىس بەرۋشٸلەر مەن جۇمىس ٸزدەۋشٸلەر شامامەن 862,2 ملن تەڭگە ٷنەمدەدٸ. ەڭبەك شارتىن ەسەپكە الۋدىڭ بٸرىڭعاي جٷيەسٸن پايدالانۋ كەزٸندەگٸ شىعىنداردى ٷنەمدەۋ 292,4 ملن تەڭگەنٸ قۇرادى.
يندۋسترييا 4.0.
«ەكونوميكا سالالارىن تسيفرلاندىرۋ» باعىتى اياسىندا ٶنەركەسٸپ سالالارىنىڭ كەسٸپورىندارىن تەحنولوگييالىق قايتا جاراقتاندىرۋ يندۋسترييا 4.0 ەلەمەنتتەرٸن قولدانۋمەن جٷزەگە اسىرىلاتىن وتىن-ەنەرگەتيكا جەنە تاۋ-كەن مەتاللۋرگيياسى كەشەندەرٸنٸڭ كەسٸپورىندارىندا تسيفرلىق تەحنولوگييالار ەنگٸزٸلۋدە.
مۇناي-گاز سالاسىندا اتىراۋ مەن پاۆلودار مۇناي-حيمييا زاۋىتتارىندا 3 جىلدىق جٶندەۋ ارالىق كەزەڭٸنە ٶتۋ جٷزەگە اسىرىلدى, بۇل جٶندەۋ شىعىندارىن ازايتۋعا جەنە ٶڭدەۋ كٶلەمٸن جىلىنا ورتاشا ەسەپپەن 300 مىڭ تونناعا ارتتىرۋعا مٷمكٸندٸك بەردٸ.
سونداي-اق, «ٶزەنمۇنايگاز» اق, «قازگەرمۇناي» بك» جشس, «قاراجانباسمۇناي»اق, «ەمبٸمۇنايگاز» اق 4 كەسٸپورنى «زيياتكەرلٸك كەن ورنى» اقپاراتتىق جٷيەسٸن ٸسكە اسىرۋدا.
اتالعان تەحنولوگييانى ەنگٸزۋ ەلەكتر ەنەرگيياسىن تۇتىنۋ شىعىندارىن 15%-عا دەيٸن وڭتايلاندىرۋعا, ٶندٸرۋ دەڭگەيٸن 2%-عا دەيٸن تۇراقتاندىرۋعا مٷمكٸندٸك بەرەدٸ, سونىمەن قاتار كەن ورىندارىن ورتالىقتاندىرىلعان باسقارۋدى جەنە قاشىقتان باقىلاۋدى, ۇڭعىمالار مەن كەسٸپتٸك جابدىقتار جۇمىسىن وڭتايلاندىرۋدى قامتاماسىز ەتەدٸ.
تەمٸر جولداعى اقاۋلار مەن رەلستەردٸڭ كەمشٸلٸكتەرٸن ۋاقىتىلى انىقتاۋ ەسەبٸنەن پويىزدار قوزعالىسىنىڭ قاۋٸپسٸزدٸگٸن ارتتىرۋ ٷشٸن «ماگيسترال» اۆتوماتتى باسقارۋ جٷيەسٸن ەنگٸزۋ» جوباسى جٷزەگە اسىرىلۋدا. قازٸرگٸ ۋاقىتتا ماگيسترالدى جەلٸلەردٸڭ ينفراقۇرىلىمىن دياگنوستيكالاۋدى 3 موبيلدٸ دياگنوستيكالىق كەشەندەر (مدك) جٷرگٸزەدٸ. سونىمەن قاتار, قوسىمشا 3 مدك قۇرۋ جوسپاردا بار.
موبيلدٸ دياگنوستيكالىق كەشەندەر جۇمىسىنىڭ نەتيجەلەرٸ بويىنشا 2019 جىلدىڭ 4-توقسانىندا شامامەن 19 000 شاقىرىم جول دياگنوستيكالاندى. سونىمەن قاتار, 190 شاقىرىمنان استامى قاناعاتتانارلىقسىز باعامەن انىقتالدى. 85-كە جۋىق ٶتە اقاۋلى رەلستەر ايقىندالدى, ياعني رەلستٸڭ 85 ومىرىلۋ جاعدايىنا جول بەرٸلمەدٸ.
زيياتكەرلٸك كٶلٸك جٷيەسٸ
كٶلٸك پەن لوگيستيكانى تسيفرلاندىرۋ تۇرعىسىنان «زيياتكەرلٸك كٶلٸك جٷيەسٸ» جوباسى ٸسكە اسىرىلىپ جاتىر, ول اۆتوموبيل جولدارى, كٶلٸك قۇرالدارى, اقىلى جولدار ارقىلى جٷرۋ, قالاارالىق اۆتوبۋستارداعى جولاۋشىلار, سونداي-اق رەسٸمدەلگەن بيلەتتەر تۋرالى مەلٸمەتتەردٸ جينايدى جەنە ٶڭدەيدٸ.
زيياتكەرلٸك كٶلٸك جٷيەسٸنٸڭ قۇرامداس بٶلٸكتەرٸنٸڭ بٸرٸ — اقى الۋ جٷيەسٸ, سونىمەن قاتار جول قوزعالىسى قاتىسۋشىلارىنا جولداعى جاعداي تۋرالى اقپاراتتى جيناۋ جەنە ۇسىنۋ جٷيەسٸ بولىپ تابىلادى.
بٷگٸندە 3 ۋچاسكەدە اقى الۋ جٷيەسٸ ٸسكە قوسىلدى: الماتى – قاپشاعاي (42 كم), الماتى – قورعاس (295 كم) جەنە نۇر-سۇلتان – تەمٸرتاۋ (134 كم) جالپى ۇزىندىعى 471 شاقىرىم.
كٶلٸكتٸك باقىلاۋدى اۆتوماتتاندىرۋ ٷشٸن 24 ارنايى اۆتوماتتاندىرىلعان ٶلشەۋ قۇرالى ەنگٸزٸلدٸ.
ولاردىڭ كٶمەگٸمەن 2019 جىلدىڭ قىركٷيەك ايىنان باستاپ سالماق پارامەترلەرٸ بويىنشا 82 بۇزۋشىلىق انىقتالدى جەنە الىمدار مەن ايىپپۇلدار تٷرٸندە شامامەن 8,6 ملن تەڭگە ٶندٸرٸپ الىندى.
ٶنەركەسٸپتٸ تسيفرلاندىرۋ اياسىندا تسيفرلاندىرۋدىڭ تيٸمدٸلٸگٸ مەن ەسەرٸن كٶرسەتۋگە, كەدەرگٸلەردٸ انىقتاۋعا جەنە مەملەكەتتٸك قولداۋ قۇرالدارىن ەزٸرلەۋگە مٷمكٸندٸك بەرەتٸن مودەلدٸ تسيفرلىق فابريكالار قۇرۋ جوباسى جٷزەگە اسىرىلىپ جاتىر. 51 جوبانى ٸسكە اسىرۋعا باستاما بٸلدٸرٸلدٸ, ونىڭ 16 جوباسى اياقتالدى.
Astana Hub
بٷگٸنگٸ تاڭدا Astana Hub-تا سالىق, ەڭبەك جەنە ۆيزالىق جەڭٸلدٸكتەر الۋعا جاعداي جاسالعان, ستارتاپتاردى دامىتۋ باعدارلامالارى بار.
جالپى العاندا, بٷگٸندە تەحنوپارككە 163 اT-كومپانييا, 700-گە جۋىق ستارتاپ, 17 R&D وتاندىق جەنە شەتەلدٸك اT-كومپانييالاردىڭ ورتالىقتارى (CISCO, NOKIA, IBM, Microsoft جەنە باسقالار), زاماناۋي حالىقارالىق وقىتۋ ەدٸستەمەسٸ بويىنشا «alem» باعدارلامالاۋ مەكتەبٸ كٸرەدٸ. جەرگٸلٸكتٸ قامتۋ ٷلەسٸ 57,7%-دى قۇرادى.
Astana Hub الاڭىندا 2019 جىلى 530 ٸس-شارا ٶتكٸزٸلدٸ, وعان 17 مىڭعا جۋىق ادام قاتىستى.
2019 جىلى 25 حالىقارالىق ۇيىممەن يننوۆاتسييالىق ٶزارا ٸس-قيمىلدى دامىتۋ شەڭبەرٸندە ىنتىماقتاستىق تۋرالى مەموراندۋمدار جاسالدى.
بۇل شارالار ستارتاپ مەدەنيەتتٸ دامىتۋ ٷشٸن قولايلى جاعداي جاساۋعا جەنە 2019 جىلى وتاندىق ستارتاپ جوبالارعا 18 ملرد تەڭگەدەن استام ينۆەستيتسييا تارتۋعا مٷمكٸندٸك بەردٸ. قازاقستاننىڭ ات-نارىعىنا تارتىلعان ينۆەستيتسييالاردىڭ جالپى كٶلەمٸ سوڭعى 2 جىلدا شامامەن 32,4 ملرد تەڭگەنٸ قۇرادى.
«بٸزدٸڭ تەحنوپاركٸمٸزدٸڭ باعدارلامالارى قازاقستاننىڭ ستارتاپ-جوبالارىنىڭ قانشالىقتى جاقسى ەكەنٸن جەنە ولار دامىعان حالىقارالىق ستارتاپ-ەكوجٷيەنٸڭ دەڭگەيٸنە قانشالىقتى جىلدام ٸلگەرٸلەپ كەلە جاتقانىن تٷسٸنۋگە مٷمكٸندٸك بەردٸ. جوبالارىمىزدىڭ ساپاسىن زەرتتەي كەلە, ينۆەستيتسييالارىمىزدىڭ ٶتەلگەنٸن ايتۋعا بولادى», — دەدٸ Astana Hub اT-ستارتاپتاردىڭ حالىقارالىق تەحنوپاركٸنٸڭ باس ديرەكتورى دجوزەف تسيگلەر.
كەلەسٸ كەزەڭدە مەملەكەت باسشىسىنىڭ العا قويعان مٸندەتتەرٸنە سەيكەس Astana Hub ەكوجٷيەسٸنە يننوۆاتسييالىق ينفراقۇرىلىمنىڭ ٶڭٸرلٸك وبەكتٸلەرٸن – تەحنوپاركتەردٸ, ينكۋباتورلاردى, اكسەلەراتورلاردى, يننوۆاتسييالار ورتالىقتارىن, اT-حابتاردى, اكادەمييانىڭ ستارتاپىن, كوممەرتسييالاندىرۋ كەڭسەلەرٸن, جوو-لار, عزي جەنە ت. ب. بەلسەندٸ تارتۋ جوسپارلانۋدا.
قابىلدانىپ جاتقان شارالار رەسپۋبليكالىق دەڭگەيدە Astana Hub باعدارلامالارىنا ودان ەرٸ قاتىسۋ جەنە حالىقارالىق ەرٸپتەستەرمەن ىنتىماقتاستىق ورناتۋ ٷشٸن ٶڭٸرلەردە pre-seed ساتىسىندا يننوۆاتسييالىق جوبالاردى دايىنداۋدى قامتاماسىز ەتۋگە مٷمكٸندٸك بەرەدٸ.
مەملەكەتتٸك قىزمەتتەردٸ اۆتوماتتاندىرۋ
مەملەكەتتٸك قىزمەتتەردٸ اۆتوماتتاندىرۋ جۇمىستارىن جٷرگٸزۋ اياسىندا مەملەكەتتٸك قىزمەتتەر تٸزٸلٸمٸنە 723 قىزمەت ەنگٸزٸلگەن, ونىڭ ٸشٸندە 580 قىزمەت نەمەسە 80,2% ەلەكتروندى تٷردە كٶرسەتۋ كٶزدەلگەن. مەملەكەتتٸك قىزمەتتەردٸ وڭتايلاندىرۋ بويىنشا جۇمىستار جٷرگٸزٸلدٸ, سونىڭ نەتيجەسٸندە مەملەكەتتٸك قىزمەتتەر سانى 17-گە (740-تان 723-كە دەيٸن) قىسقاردى.
قازٸرگٸ تاڭدا ٶتٸنٸش بەرۋشٸلەرگە 17 پرواكتيۆتٸ جەنە 21 كومپوزيتتٸ مەملەكەتتٸك قىزمەت كٶرسەتٸلەدٸ. جٷرگٸزٸلگەن وڭتايلاندىرۋ جۇمىستارى قۇجاتتاردىڭ ورتاشا پاكەتٸن 30%-عا, سونداي-اق مەملەكەتتٸك قىزمەتتٸ ۇسىنۋ مەرزٸمٸن ورتا ەسەپپەن 3 ەسەگە قىسقارتتى.
مەملەكەتتٸك قىزمەتتەردٸ اۆتوماتتاندىرۋ قاعاز تٷرٸندەگٸ قۇجات اينالىمىن 70,8 ملن قۇجاتقا قىسقارتۋعا مٷمكٸندٸك بەرٸپ, 8,4 ملرد تەڭگەدەن استام جاناما ەكونوميكالىق نەتيجە بەرەدٸ.
دەنساۋلىق ساقتاۋدى تسيفرلاندىرۋ اياسىندا ۇيىمداردىڭ 97,5%-ى كومپيۋتەرلٸك تەحنيكامەن جابدىقتالعان جەنە 100%-ى ينتەرنەت جەلٸسٸنە قوسىلعان. قازاقستان تۇرعىندارىنىڭ 17,9 ملن-ىندا (95,7%) ٶڭٸرلٸك ەلەكتروندىق دەنساۋلىق پاسپورتتارى بار.
قابىلدانعان شارالار حالىققا دەنساۋلىق ساقتاۋ قىزمەتتەرٸن كٶرسەتۋ ساپاسىن جاقسارتۋعا, سونداي-اق دەرٸگەرلەردٸڭ ەڭبەگٸن جەڭٸلدەتۋگە مٷمكٸندٸك بەردٸ.
ەلەكتروندىق سەرۆيستەر ارقىلى الدىن الا جازىلۋ ارقىلى ەمحانالارداعى «جاندى» كەزەكتەر 30%-عا قىسقارتىلدى, بۇل پاتسيەنتتەردٸڭ ەمحانالاردا بولۋ ۋاقىتىن ەكٸ ەسە قىسقارتتى. زەرتتەۋ نەتيجەلەرٸن الۋ ۋاقىتى 1,8 ەسەگە (7 ساعاتتان 4 ساعاتقا دەيٸن) قىسقارتىلدى.
پاتسيەنتتەرگە قىزمەت كٶرسەتۋدٸڭ ورتاشا ۋاقىتىن قىسقارتۋ ەسەبٸنەن دەرٸگەرلەر مەن پاتسيەنتتەردٸڭ ۋاقىتى 45%-عا قىسقاردى, جەدەل جەردەم جۇمىسى وڭتايلاندىرىلدى: ديسپەتچەرلٸك قىزمەتكە تٷسەتٸن شاقىرۋلاردى ٶڭدەۋ ۋاقىتى 26%-عا قىسقارتىلدى, سونىڭ نەتيجەسٸندە جەدەل مەديتسينالىق جەردەمنٸڭ كەلۋٸن كٷتۋ ۋاقىتى 1,3 ەسە قىسقاردى.
سونداي-اق, مەديتسينالىق اقپاراتتىق جٷيەلەردٸ اۋىلداردا ەنگٸزۋ جەنە ەلەكتروندىق دەنساۋلىق پاسپورتتارىمەن قامتاماسىز ەتۋ دەڭگەيٸن 100%-عا دەيٸن جەتكٸزۋ بويىنشا جۇمىستار جالعاستىرىلاتىن بولادى.
بٸلٸم بەرۋدٸ تسيفرلاندىرۋ اياسىندا مەكتەپتەر كومپيۋتەرلٸك تەحنيكامەن قامتاماسىز ەتٸلدٸ. وقۋشىلار ەلەكتروندى كٷندەلٸكتەر مەن جۋرنالداردى پايدالانادى (7014 مەكتەپتەن 6703-ٸ). مەكتەپتەردٸڭ 90%-ى (6336 مەكتەپ) جىلدامدىعى 4 مبيت/سەك جەنە ودان جوعارى ينتەرنەتپەن قامتاماسىز ەتٸلگەن.
مەكتەپكە دەيٸنگٸ بالالارعا بٸلٸم بەرۋ مەكەمەلەرٸنٸڭ 78,5%-ىندا قابىلداۋعا كەزەكتٸ ەلەكتروندى قويۋ ەنگٸزٸلگەن, مەكتەپتەردٸڭ 70,3%-ى وقۋشىلاردى ونلاين قابىلدايدى. مەملەكەتتٸك بٸلٸم بەرۋ قىزمەتتەرٸنٸڭ 74%-ى اۆتوماتتاندىرىلعان.
جالپى, بٸلٸم بەرۋ جٷيەسٸن تسيفرلاندىرۋ اۋىل مەن قالا مەكتەپتەرٸنٸڭ بٸلٸم بەرۋ ساپاسىنىڭ اراسىنداعى ايىرماشىلىقتى 30%-دان استامعا قىسقارتۋعا مٷمكٸندٸك بەردٸ.
مەملەكەتتٸك باعدارلاما اياسىندا شوب قولداۋعا جەنە شاعىن جەنە ورتا بيزنەس ٷشٸن قولايلى احۋال جاساۋعا كٶپ كٶڭٸل بٶلٸنەدٸ.
مەسەلەن, «استانا-1» اقپاراتتىق جٷيەسٸن ٸسكە قوسۋدىڭ ارقاسىندا, كەدەندٸك دەكلاراتسييانى تولتىرۋ مەرزٸمٸ بٸرنەشە كٷن مەن ساعاتتان 1 مينۋتقا دەيٸن قىسقاردى جەنە اۆتوماتتى رەجيمدە 1,3 ملن دەكلاراتسييا ٶڭدەلدٸ. وسىنىڭ ارقاسىندا, سەق قاتىسۋشىلارى 56,6 ملرد تەڭگە كٶلەمٸندە قارجى ٷنەمدەدٸ.
بيزنەس ٷشٸن ساۋدا جٷرگٸزۋ جاعدايلارىن جاقسارتۋعا جەنە «كٶلەڭكەلٸ» ەكونوميكانى انىقتاۋعا مٷمكٸندٸك بەرەتٸن «ەلەكتروندىق شوت-فاكتۋرالار», «تاۋارلاردى تاڭبالاۋ» جٷيەلەرٸ ٸسكە اسىرىلدى. 2019 جىلدىڭ 1 قاڭتارىنان باستاپ بارلىق ققس تٶلەۋشٸلەر ەشف پايدالانادى.
سونداي-اق, بٷگٸنگٸ كٷنٸ 540 مىڭ باقىلاۋ-كاسسالىق ماشينالار پايدالانىلۋدا, ولاردىڭ 95%-ى «ونلاين» رەجيمٸندە قوسىلعان.
اۋىلدىق ەلدٸ مەكەندەردٸ ينتەرنەت جەلٸسٸنە كەڭجولاقتى قولجەتٸمدٸلٸك قىزمەتٸمەن قامتاماسىز ەتۋ ماقساتىندا, 1250 اەم قامتاماسىز ەتۋ جوسپارلانعان, ونىڭ ٸشٸندە 2018 جىلى – 56 اەم, 2019 جىلى – 705 اەم, 2020 جىلى – 489 اەم.
بۇل 3 718 مەملەكەتتٸك ورگان مەن بيۋدجەتتٸك ۇيىمعا جىلدامدىعى جوعارى ينتەرنەتكە قوسىلۋعا مٷمكٸندٸك بەرەدٸ. بۇل رەتتە, اۋىلدىق ەلدٸ مەەندەردٸڭ تٸزٸمٸن جاساۋ كەزٸندە تٸزٸم كەلٸسۋ ٷشٸن جەرگٸلٸكتٸ اتقارۋشى ورگاندارعا جٸبەرٸلەدٸ. سالىنعان ينفراقۇرىلىم ۇيالى بايلانىس وپەراتورلارىنىڭ دامۋىن ىنتالاندىرادى. توبج جالپى ۇزىندىعى 20 مىڭ شاقىرىمنان اسادى.
سونىمەن قاتار, 2019 جىلدىڭ 3 توقسانىنىڭ قورىتىندىسى بويىنشا 299 اۋىلدا ورنالاسقان 841 مەملەكەتتٸك ورگان مەن بيۋدجەتتٸك ۇيىم قوسىلعان. كەڭجولاقتى ينتەرنەتكە قولجەتٸمدٸلٸكتٸ ودان ەرٸ قامتاماسىز ەتۋ مجە كەلٸسٸمشارتتارىنا سەيكەس قوسۋ كەستەسٸنە وراي جٷزەگە اسىرىلادى.
2018 جىلدىڭ نەتيجەلەرٸ بويىنشا 10 نىسانالى ينديكاتور مەن 20 كٶرسەتكٸشتٸ ٸسكە اسىرۋ قاراستىرىلدى, ونىڭ ٸشٸندە تٷرلٸ حالىقارالىق رەيتينگتەردەگٸ ەلٸمٸزدٸڭ ورنى بار. مەسەلەن, 2018 جىلى ەلٸمٸزدٸڭ پوزيتسيياسى حالىقارالىق ەلەكتر بايلانىسى وداعىنىڭ كيبەرقاۋٸپسٸزدٸك جاھاندىق يندەكسٸ دەڭگەيٸ بويىنشا جاقساردى. حالىقارالىق ەلەكتر بايلانىسى وداعىنىڭ (ITU) ەسەبٸنە سەيكەس, قازاقستان 2018/2019 كيبەرقاۋٸپسٸزدٸك جاھاندىق يندەكسٸندە 40 ورىن الىپ, ٶتكەن جىلعى رەيتينگپەن سالىستىرعاندا 42 پۋنكتكە كٶتەرٸلگەن (82 ورىن).
رەيتينگ قۇرعاندا بارلىق بەس نەگٸزگٸ كريتەريي نازارعا الىنادى: زاڭنامالىق بازا, تەحنيكالىق جەنە ۇيىمداستىرۋشىلىق ٸس-شارالار, حالىقارالىق ارەناداعى قىزمەتٸ مەن سالانى دامىتۋ ٷشٸن ەلەۋەت قۇرۋى.
2018 جىلى ەلٸمٸز «ۆەنچۋرلىق كاپيتالدىڭ قولجەتٸمدٸلٸگٸ» ينديكاتورى بويىنشا دەف بجي رەيتينگٸندە ٶزٸنٸڭ پوزيتسييالارىن جاقسارتتى. قازاقستان بۇل يندەكس بويىنشا 90-شٸ ورىن الىپ, ٶتكەن جىلعى رەيتينگپەن سالىستىرعاندا 12 پۋنكتكە كٶتەرٸلدٸ (102 ورىن).
بيىل تسيفرلىق ساۋاتتىلىق بويىنشا وقىتىلعان تۇرعىنداردىڭ جالپى سانى 532 مىڭ ازاماتتى قۇرادى (جوسپاردا 462 846 ادام).
سونىمەن قاتار, ەلەۋمەتتٸك ەلجۋاز توپتان 78,3 مىڭ ازامات تسيفرلىق ساۋاتتىلىققا وقىتىلدى.
