قىتاي مەن ٷندٸستان ازاماتتارى ٷشٸن 72 ساعاتتىق ۆيزاسىز تەرتٸپ ەندٸ قازاقستاننىڭ التى قالاسىنىڭ ەۋەجايلارىنا ەنگٸزٸلدٸ, دەپ حابارلايدى "ۇلت اقپارات".
مەملەكەت باسشىسىنىڭ ەلٸمٸزدٸڭ ترانزيتتٸك ەلەۋەتٸن ارتتىرۋ, «استانا» حالىقارالىق قارجى ورتالىعىنىڭ كٶلٸكتٸك قولجەتٸمدٸلٸگٸن قامتاماسىز ەتۋ جٶنٸندەگٸ تاپسىرمالارىن ورىنداۋ ماقساتىندا قر ٷكٸمەتٸنٸڭ قاۋلىسىمەن قازاقستان رەسپۋبليكاسىنا كەلۋدٸڭ, بولۋدىڭ جەنە كەتۋدٸڭ ەرەجەسٸنە ٶزگەرٸستەر ەنگٸزٸلدٸ. وعان سەيكەس, اتالمىش ترانزيتتٸك تەرتٸپ اياسىندا جۇمىس ٸستەيتٸن حالىقارالىق ەۋەجايلاردىڭ تٸزٸمٸ 4 قالانىڭ ەۋەجايلارىمەن تولىقتىرىلدى. نۇر-سۇلتان جەنە الماتى ەۋەجايلارىنىڭ قاتارىنا ەندٸ شىمكەنت, اقتاۋ, قاراعاندى جەنە تاراز قالالارىنىڭ ەۋەجايلارى قوسىلدى.
بۇدان بٶلەك, اتالمىش رەجيمنٸڭ كٷشٸ بارلىق ەۋە كومپانييالاردىڭ (قازاقستاندىق جەنە شەتەلدٸك) جولاۋشىلارىنا تاراتىلاتىن بولادى.
ايتا كەتەيٸك, قىتاي جەنە ٷندٸستان ازاماتتارى ٷشٸن بۇعان دەيٸن ەنگٸزٸلگەن قازاقستان رەسپۋبليكاسىنا كەلۋدٸڭ, بولۋدىڭ جەنە كەتۋدٸڭ 72 ساعاتتىق ۆيزاسىز تەرتٸبٸ 2020 جىلعى 31 جەلتوقسان, ساعات 23.59-عا دەيٸن قولدانىستا بولادى.
وسىلايشا, نۇر-سۇلتان, الماتى, شىمكەنت, اقتاۋ, قاراعاندى, تاراز ەۋەجايلارى ارقىلى قازاقستاندىق جەنە شەتەلدٸك ەۋە كومپانييالارمەن ساياحاتتايتىن قحر جەنە ٷندٸستان ەلدەرٸنٸڭ ترانزيتتٸك ازاماتتارى قازاقستان رەسپۋبليكاسىنىڭ اۋماعىندا 72 ساعاتتىق ۆيزاسىز رەجيمدٸ قولدانا الادى.
«جەدەل مەلٸمەتكە سەيكەس, قازاقستان رەسپۋبليكاسى ارقىلى ٶتەتٸن ەۋە كٶلٸگٸمەن ساياحاتتاعان ترانزيتتٸك جولاۋشىلار اعىنى 2019 جىلى 1 ملن جولاۋشىدان استى. 2018 جىلمەن سالىستىرعاندا ٶسٸم شامامەن 11% قۇرادى. ەنگٸزٸلگەن تولىقتىرۋلار قازاقستان رەسپۋبليكاسى ارقىلى ترانزيتتٸك جولاۋشىلار سانىنىڭ ارتۋىنا ىقپال ەتەتٸن بولادى», - دەلٸنگەن قر يندۋسترييا جەنە ينفراقۇرىلىمدىق دامۋ مينيسترلٸگٸنٸڭ مەلٸمەتٸندە.
