سەناتتىڭ جالپى وتىرىسىندا قر ٷكٸمەتٸنٸڭ جەنە رەسپۋبليكالىق بيۋدجەتتٸڭ اتقارىلۋىن باقىلاۋ جٶنٸندەگٸ ەسەپ كوميتەتٸنٸڭ 2020 جىلعى رەسپۋبليكالىق بيۋدجەتتٸڭ اتقارىلۋى تۋرالى ەسەپتەرٸن تالقىلاۋ كەزٸندە سەناتور اقىلبەك كٷرٸشباەۆ سۋ تاپشىلىعى مەسەلەسٸن كٶتەردٸ, دەپ حابارلايدى "ۇلت اقپارات".
«جاقىن بولاشاقتا ەلٸمٸزدٸڭ قاۋٸپسٸزدٸگٸنە ەسەر ەتەتٸن باستى قاتەردٸڭ بٸرٸ – سۋ تاپشىلىعى بولۋى مٷمكٸن. دٷنيەجٷزٸلٸك بانك ساراپشىلارىنىڭ پٸكٸرٸنشە, 2030 جىلعا قاراي قازاقستانداعى سۋ رەسۋرستارىنىڭ كٶلەمٸ 90-نان 76 كم³ دەيٸن تٶمەندەيدٸ. سونىمەن بٸرگە, سۋ شارۋاشىلىعى سەكتورى ينفراقۇرىلىمىنىڭ توزۋ كٶلەمٸ 70%-دان اسادى. نەتيجەسٸندە, رەسپۋبليكادا سۋارۋ جٷيەسٸنٸڭ پايدالى ەسەر كوەففيتسيەنتٸ تەك قانا 0,45-0,55, ياعني سۋدىڭ 40 پايىزى پايدالانىلماي ىسىراپ بولىپ جاتىر», - دەدٸ كٷرٸشباەۆ.
ونىڭ ايتۋىنشا, قازٸرگٸ ۋاقىتتا بٸزدە اۋىل شارۋاشىلىعى جەرلەرٸنٸڭ تەك قانا 4% زاماناۋي تامشىلاتۋ تەسٸلٸمەن سۋارىلادى, بۇل بار بولعانى 62 مىڭ گەكتار.
«بٸز جاقىندا تٷركٸستان وبلىسىندا اگرارلىق مەسەلەلەر, تابيعاتتى پايدالانۋ جەنە اۋىلدىق اۋماقتاردى دامىتۋ كوميتەتٸنٸڭ كٶشپەلٸ وتىرىسىن ٶتكٸزدٸك. قازٸردٸڭ ٶزٸندە ٶڭٸردٸڭ بارلىق جەرٸندە سۋاراتىن سۋدىڭ تاپشىلىعى قاتتى بايقالۋدا. حالىقارالىق ساراپشىلار اتاپ ٶتكەندەي, بٸزدٸڭ باستى پروبلەمامىز – سۋدى جوسپارلاۋ, باقىلاۋ جەنە پايدالانۋ جٷيەسٸنٸڭ تيٸمسٸزدٸگٸندە. ياعني بٸزدٸڭ ەلٸمٸزدەگٸ سۋ داعدارىسى ەڭ الدىمەن باسقارۋداعى داعدارىستىڭ سالدارىنان بولىپ وتىر. بٸرنەشە مىسال كەلتٸرەيٸن. سۋ رەسۋرستارى كوميتەتٸنٸڭ ٶزٸندە قىزمەتكەرلەردٸڭ كٶپشٸلٸگٸنٸڭ سالالىق جۇمىس تەجٸريبەسٸ جوق, 38 ادامنىڭ 18-ٸ نەمەسە تەك 40%-ى سۋ شارۋاشىلىعىنىڭ ماماندارى. جالپى «قازسۋشار» كەسٸپورىن جٷيەسٸندە قىزمەتكەرلەردٸڭ تەك جارتىسى عانا تيٸستٸ كەسٸبي بٸلٸمگە يە, ولاردىڭ كٶبٸسٸ زەينەتكە دەيٸنگٸ جاستا. 761 ٶزەن, 529 كٶل, 71 سۋ قويماسى ورنالاسقان بالقاش-الاكٶل باسسەيندٸك ينسپەكتسيياسىندا بار بولعانى 21 مامان جۇمىس ٸستەيدٸ. تٶرت وبلىستىڭ اۋماعىن قامتيتىن جايىق-كاسپيي باسسەيندٸك ينسپەكتسيياسىندا قىزمەتكەرلەردٸڭ جالپى سانى – 12 عانا ادام», - دەدٸ سەناتور.
ونىڭ پايىمىنشا, بۇل سالانى ٶزگەرتۋ ٷشٸن ەلٸمٸزگە سۋ ٷنٸمدەۋ جەنە تسيفرلىق تەحنولوگييالاردى مەڭگەرگەن زاماناۋي كادرلار كەرەك.
«جوعارى وقۋ ورىندارىندا سۋ ماماندارىن دايارلاۋ ساپاسىن ارتتىرۋ, جامبىل گيدرومەليوراتيۆتٸك ينستيتۋتىن قالپىنا كەلتٸرۋ, قازاقستاندا سۋ پروبلەمالارى بويىنشا ەلەمدەگٸ جەتەكشٸ ۋنيۆەرسيتەتتٸڭ فيليالىن اشۋ, سۋ شارۋاشىلىعى عزي-دىڭ جۇمىسىن جانداندىرۋ, بٸلٸمدٸ ارتتىرۋ جەنە مامانداردى قايتا دايارلاۋ جٶنٸندەگٸ ٶڭٸرلٸك ورتالىقتاردى قۇرۋ قاجەتتٸلٸگٸ تۋرالى كٶپتەگەن جىلدار بويى ايتىلىپ كەلەدٸ. بٸراق بۇل مەسەلەلەر بٷگٸنگە دەيٸن شەشٸلمەدٸ. سۋ وبەكتٸلەرٸنٸڭ كٶپشٸلٸگٸندە قازٸرگە دەيٸن گيدرولوگييالىق بەكەتتەر جوق, سوندىقتان بٸز ەلٸمٸزدە قانشا سۋ قورى بار ەكەنٸن ناقتى بٸلمەيمٸز», - دەدٸ دەپۋتات.
«ترانسشەكارالىق ٶزەندەر تۋرالى حالىقارالىق كەلٸسسٶزدەردە بٸز عىلىمي نەگٸزدەمەلەرٸمٸزدٸڭ ەلسٸزدٸگٸنەن جەنە كوميسسييا مٷشەلەرٸنٸڭ جيٸ ٶزگەرٸپ وتىرۋىنان ۇتىلىپ جاتامىز. اتاپ ايتقاندا, وسى باعىتتا بٸز قىتايلىق ەرٸپتەستەرٸمٸزدەن ەدەۋٸر ارتتا قالىپ وتىرمىز. بۇل – بٸزدٸڭ كٶرشٸلەرٸمٸزبەن سۋ بٶلٸسۋ مەسەلەسٸندە ەلسٸز تۇسىمىزدىڭ بٸرٸ. وسىلايشا, ەلٸمٸزدە ستراتەگييالىق ماڭىزى بار سۋ شارۋاشىلىعى سالاسىن كادرلىق جەنە عىلىمي قامتاماسىز ەتۋ مەسەلەلەرٸ تولعاعى جەتكەن سۇراققا اينالدى», - دەدٸ كٷرٸشباەۆ.
