فوتو: Theins.ru
اق ٷيدە دونالد ترامپ, ۆلاديمير زەلەنسكيي جەنە ۋكراينانى قولداۋ ٷشٸن كەلگەن بٸرنەشە ەۋروپالىق ليدەردٸڭ قاتىسۋىمەن ٶتكەن كەلٸسسٶزدەر اياقتالدى, دەپ حابارلايدى Ult.kz.
اقپانداعى سەتسٸزدٸكتەن ايىرماشىلىعى, بۇل جولى ەشكٸم اشىق سٶزتالاسقا بارعان جوق. كەرٸسٸنشە, كٷلٸمسٸرەپ وتىرعان ترامپ ۋكرايناعا قاۋٸپسٸزدٸك كەپٸلدٸكتەرٸن ۋەدە ەتتٸ. الايدا بۇل كەپٸلدٸك نەگٸزٸنەن ەۋروپا تارابىنان, تەك «اقش-پەن ٷيلەستٸرۋ ارقىلى» بولادى.
سونداي-اق ول پۋتين مەن زەلەنسكييدٸڭ جەكە كەزدەسۋٸنە دايىندىقتى باستاعانىن مەلٸمدەدٸ. دەگەنمەن كرەمل ناقتى ۋەدە بەرمەي, مانەۆر جاساۋعا مٷمكٸندٸك قالدىردى. ال زەلەنسكيي اۋماقتىق مەسەلەلەردٸ تەك پۋتينمەن عانا تالقىلاۋعا دايىن ەكەنٸن انىق بٸلدٸردٸ.
نەتيجەسٸندە ترامپ پەن زەلەنسكييدٸڭ جۋرناليستەرگە اشىق بٶلٸگٸنٸڭ باسىم بٶلٸگٸ ٶزارا ماداق ايتىسۋعا ارنالدى. سوسىن ولار جابىق كەلٸسسٶزگە كٸرٸپ كەتتٸ.
بۇل جولى زەلەنسكيي 3 بٸردەي كوزىرمەن كەلدٸ: بٸرٸنشٸسٸ ەۋروپا ليدەرلەرٸنٸڭ انىق قولداۋى بار. ەكٸنشٸسٸ «فلامينگو» دەپ اتالاتىن ۋكراينالىق قاناتتى زىمىران ٶندٸرٸسٸ باستالعانى تۋرالى جاڭالىق. ايتا كەتسەك, بۇل زىمىران مەسكەۋگە دە, سانكت-پەتەربۋرگكە دە جەتە الادى. تاعى بٸر باسىمدىعى – زەلەنسكييدٸڭ مايدانداعى قورعانىس شەبٸ مىقتى ەكەنٸ تۋرالى دەلەلدەرٸ بار.
ەندٸ كەزدەسۋدٸڭ قورىتىندىسىن ايتساق, ۋكراينا ناتو-عا ەشقاشان كٸرە المايدى. مۇنى ترامپ مەلٸمدەدٸ.
Financial Times گازەتٸنٸڭ مەلٸمەتٸنشە, ۋكراينا دەلەگاتسيياسىنىڭ قۇجاتىندا اقش-تان قاۋٸپسٸزدٸك كەپٸلدٸكتەرٸن الۋ ٷشٸن كيەۆ 100 ميلليارد دوللار كٶلەمٸندە امەريكالىق قارۋ-جاراق ساتىپ الۋعا دايىن ەكەنٸ جازىلعان.
كەزەكتٸ مەلٸمەت: ترامپ رەسەيگە قويىلعان وق اتۋدى توقتاتۋ تالابىنان باس تارتقان. ونىڭ ايتۋىنشا, بەيبٸتشٸلٸككە قول جەتكٸزۋ ٷشٸن بٸتٸم مٸندەتتٸ تٷردە العىشارت بولماۋى مٷمكٸن.
ال بۇدان كەيٸنگٸ تاعى بٸر جاڭالىعى – ترامپ كەلٸسسٶزدٸ ورتا جولدا توقتاتىپ, پۋتينمەن تەلەفون ارقىلى 40 مينۋتتاي سٶيلەسكەن.
كەزدەسۋ قورىتىندىسىن ترامپ تا, زەلەنسكيي دە باسپاسٶز مەسليحاتىندا ەمەس, ەلەۋمەتتٸك جەلٸلەردە جارييالادى.
ترامپ كەزدەسۋدٸ "ٶتە جوعارى دەڭگەي" دەپ اتادى. ونىڭ سٶزٸنشە, ەكٸجاقتى كەزدەسۋدەن كەيٸن ٶزٸنٸڭ قاتىسۋىمەن ٷشجاقتى سامميت ٶتكٸزۋ جوسپارلانىپ وتىر. ال زەلەنسكيي "ۇزاق ەرٸ ەگجەي-تەگجەيلٸ ەڭگٸمە" بولعانىن, وندا مايدانداعى جاعداي جەنە بەيبٸتشٸلٸككە قول جەتكٸزۋ ٷشٸن قاجەتتٸ قادامدار تالقىلانعانىن ايتتى.
