قر تٶتەنشە جاعدايلار مينيسترٸ يۋريي يلين ۋلى گازدان قازا تابۋ وقيعالارىنا پٸكٸر بٸلدٸردٸ, دەپ حابارلايدى قازاقپارات.
«بٸزدٸڭ مينيسترلٸك اتىنان جەنە ٶز اتىمنان تٷركٸستان وبلىسىندا قازا تاپقانداردىڭ جاقىندارىنا كٶڭٸل ايتامىن. ٶكٸنٸشكە قاراي مۇنداي جاعدايلار از ەمەس. كەشە عانا ماڭعىستاۋ وبلىسىندا ەكٸ ادام گاز باللون جابدىعىنداعى ۋلى گازدان ۋلانىپ, قازا تاپتى. تٷركٸستان وبلىسىندا گاز جابدىعىن پايدالانعان جاس جٸگٸت قايتىس بولدى», - دەدٸ مينيستر ورتالىق كوممۋنيكاتسييالار قىزمەتٸندە ٶتكەن بريفينگتە.
ەسكە سالا كەتسەك, 17 اقپاندا تٷركٸستان وبلىسىنداعى جەكە تۇرعىن ٷيدە 5 ادامنىڭ دەنەسٸ تابىلدى, ونىڭ تٶرتەۋٸ كەمەتلەكەتكە تولماعان.
تەكسەرۋ بارىسىندا 3 بٶلمەلٸ ٷيدە كامين تٷرٸندەگٸ پەش (يران پەشٸ) ورناتىلعانى جەنە وعان گوفرلەنگەن بۇرعىش قوسىلعانى انىقتالدى. ول 1,5 مەتر قاشىقتىقتا قابىرعاداعى تەسٸك ارقىلى كٶشەگە شىعارىلعان. سىرتقى جاعىنان گوفرلەنگەن روزەتكا 5-7 سم عانا قۇرايدى, وسىلايشا قاتتى جەل پەشتەگٸ تارتىلىستىڭ ناشارلاۋىنا ىقپال ەتٸپ, ۋلى گاز بٶلمە ٸشٸنە تارالعان.
مينيسترلٸك دەرەكتەرٸنە سەيكەس, 2020 جىلى ٶرت شىقپاي تابيعي گازبەن ۋلانۋ سالدارىنان 22 ادام, گاز باللون قوندىرعىلارىنىڭ جارىلىسىنان 11 ادام قايتىس بولدى, گاز باللون قوندىرعىلارىنىڭ 32 جارىلىسى تٸركەلدٸ.
بۇدان باسقا, ماماندار اۆتونومدى جىلىتۋ جٷيەلەرٸ بار 2 ملن جۋىق تۇرعىن ٷيدٸ ارالادى, 4 ملن استام ازاماتقا نۇسقاۋ بەرٸلگەن. ەكٸمدٸكتەرمەن بٸرلەسٸپ, اۆتونومدى جىلىتۋ جٷيەسٸ بار ٷيلەرگە داتچيكتەر ورناتۋ پراكتيكاسى جالعاسىپ كەلەدٸ, بارلىعى 118 مىڭنان استام داتچيك ورناتىلعان.
