الماتىنىڭ باس مەملەكەتتٸك سانيتارييا دەرٸگەرٸ جانداربەك بەكشين ونلاين-بريفينگتە الماتىداعى جاڭا قاۋلىنى تٷسٸندٸردٸ, - دەپ حابارلايدى Tengrinews.kz.
"تٶرتٸنشٸ تولقىن قاۋپٸ تٶنٸپ تۇر, وعان دەلتا شتامى سەبەپ, ونى ٷندٸ شتامى دەپ تە اتايدى. بٸز "جاسىل" ايماققا ٶتكەندە اۋرۋ كٶرسەتكٸشٸ تەۋلٸگٸنە 100 جاعدايعا دەيٸن تٶمەندەدٸ, بٸراق جاڭا شتامدارعا بايلانىستى كٷرت ٶستٸ. ٷندٸ شتامىنىڭ باسقا مۋتاتسييالانعان شتامدارمەن سالىستىرعاندا پاتوگەندٸلٸگٸ جوعارى. وسىعان بايلانىستى قاتاڭ شەكتەۋ شارالارىن ەنگٸزۋگە مەجبٷر بولدىق", - دەدٸ بەكشين.
قوعامدىق تاماقتانۋ نىساندارى قىزىل ايماق تالاپتارى بويىنشا جۇمىس ٸستەۋٸ تيٸس, ساعات 7.00-دەن 20.00-گە دەيٸن جۇمىس ٸستەۋگە رۇقسات. جۇمىس كٷندەرٸ تولىمدىعى 50 پايىز, بٸراق 30 ورىننان اسپاۋى تيٸس, ال سەنبٸ مەن جەكسەنبٸ كٷندەرٸ تىيىم سالىنادى. بٸراق جەتكٸزۋ قىزمەتٸنە رۇقسات ەتٸلەدٸ. ال Ashyq قاتىسۋشىلارى تٷنگٸ ساعات 2-گە دەيٸن جۇمىس ٸستەي الادى, ولاردا تولىمدىق 50 پايىزعا دەيٸن, بٸراق 50 ورىننان ارتىق ەمەس.
