اتىراۋ, ماڭعىستاۋ, الماتى, تٷركٸستان وبلىستارىندا پەداگوگ تاپشىلىعى بار. سوندىقتان, اتالعان ايماقتاردا جاڭا جوبا ٸسكە قوسىلادى. بۇل تۋرالى وقۋ-اعارتۋ مينيسترٸ اسحات ايماعامبەتوۆ تٷركٸستان وبلىسىنىڭ تۇرعىندارىمەن كەزدەسۋٸندە ايتتى, دەپ حابارلايدى قازاقپارات.
مينيستر بيىل بٸلٸم سالاسىندا جاڭا جوبا جٷزەگە اساتىندىعىن مەلٸم ەتتٸ. رەسپۋبليكا كٶلەمٸندە بٸلٸكتٸ, بٸلٸمدٸ پەداگوگتەر ٸرٸكتەلٸپ, مۇعالٸم تاپشىلىعى بار ايماقتارعا جٸبەرٸلەدٸ.
«جوبا العاشقىدا اتىراۋ, ماڭعىستاۋ, الماتى, تٷركٸستان وبلىستارىندا ٶتەتٸن بولادى. سەبەبٸ, بٸلٸم بەرۋ ساپاسىن كٶتەرۋٸمٸز كەرەك», - دەدٸ اسحات ايماعامبەتوۆ.
سونداي-اق, مينيستر بيىلدان باستاپ مۇعالٸمدەردٸ جۇمىسقا قابىلداۋ جاڭا ەرەجەگە ساي جٷزەگە اساتىندىعىن جەتكٸزدٸ جەنە مەكتەپ ديرەكتورلارىن روتاتسييالاۋ ٸسٸ الداعى ۋاقىتتا جالعاساتىندىعىن ايتىپ ٶتتٸ.
«ەندٸ مۇعالٸمدەردٸ جۇمىسقا قابىلداۋدى ديرەكتورلار شەشپەيدٸ. بۇل جۇمىس ٷمٸتكەرلەردٸڭ ناقتى جيناعان بالدارى بويىنشا, كونكۋرس ارقىلى, ساندىق جٷيەمەن ٸسكە اسادى. رەسپۋبليكا بويىنشا 500-گە جۋىق ديرەكتور روتاتسييالاۋدان ٶتتٸ. مەنٸڭ ويىمشا ٶتە قاجەتتٸ شارا. زاڭعا سەيكەس روتاتسييا ينستيتۋتىن جالعاستىرامىز», - دەدٸ ول.
