Atyraý, Mańǵystaý, Almaty, Túrkistan oblystarynda pedagog tapshylyǵy bar. Sondyqtan, atalǵan aimaqtarda jańa joba iske qosylady. Bul týraly oqý-aǵartý ministri Ashat Aimaǵambetov Túrkistan oblysynyń turǵyndarymen kezdesýinde aitty, dep habarlaidy QazAqparat.
Ministr biyl bilim salasynda jańa joba júzege asatyndyǵyn málim etti. Respýblika kóleminde bilikti, bilimdi pedagogter iriktelip, muǵalim tapshylyǵy bar aimaqtarǵa jiberiledi.
«Joba alǵashqyda Atyraý, Mańǵystaý, Almaty, Túrkistan oblystarynda ótetin bolady. Sebebi, bilim berý sapasyn kóterýimiz kerek», - dedi Ashat Aimaǵambetov.
Sondai-aq, ministr biyldan bastap muǵalimderdi jumysqa qabyldaý jańa erejege sai júzege asatyndyǵyn jetkizdi jáne mektep direktorlaryn rotatsiialaý isi aldaǵy ýaqytta jalǵasatyndyǵyn aityp ótti.
«Endi muǵalimderdi jumysqa qabyldaýdy direktorlar sheshpeidi. Bul jumys úmitkerlerdiń naqty jinaǵan baldary boiynsha, konkýrs arqyly, sandyq júiemen iske asady. Respýblika boiynsha 500-ge jýyq direktor rotatsiialaýdan ótti. Meniń oiymsha óte qajetti shara. Zańǵa sáikes rotatsiia institýtyn jalǵastyramyz», - dedi ol.
