2020 جىلدىڭ قاڭتار-سەۋٸرٸندە ەلٸمٸزدە 217 مىڭنان استام جەڭٸل كٶلٸك تٸركەلدٸ. مۇنداي دەرەكتٸ قر ۇلتتىق ەكونوميكا مينيسترلٸگٸنٸڭ ستاتيستيكا كوميتەتٸ جارييالادى, دەپ حابارلايدى "ۇلت اقپارات".
«2020 جىلعى قاڭتار-سەۋٸردە قازاقستان رەسپۋبليكاسىندا 217592 جەڭٸل اۆتوموبيل تٸركەلگەن. بۇل ٶتكەن جىلعى تيٸستٸ كەزەڭمەن سالىستىرعاندا 29,5 پايىزعا كەم. قازاقستان رەسپۋبليكاسىندا 2020 جىلعى 1 مامىرداعى جاعداي بويىنشا تٸركەلگەن جەڭٸل اۆتوموبيلدەردٸڭ سانى 3932,4 مىڭ بٸرلٸكتٸ قۇرادى», - دەلٸنگەن كوميتەت دەرەگٸندە.
ۆەدومستۆو مەلٸمەتٸنشە, وسى جىلعى قاڭتار-سەۋٸردە 3 335 جول-كٶلٸك وقيعاسى تٸركەلٸپ, 4 820 ادام زارداپ شەككەن. ٶتكەن جىلعى تيٸستٸ كەزەڭمەن سالىستىرعاندا جول اپاتى 21,4 پايىزعا كەمٸدٸ.
2020 جىلعى 1 مامىرداعى جاعداي بويىنشا كٶلٸك قۇرالدارى يەلەرٸنٸڭ ازاماتتىق-قۇقىقتىق جاۋاپكەرشٸلٸگٸن مٸندەتتٸ ساقتاندىرۋ بويىنشا ساقتاندىرۋ ۇيىمدارى 10 ملرد تەڭگە سوماسىندا 25 056 ساقتاندىرۋ تٶلەمٸن جٷزەگە اسىردى.
