2020 jyldyń qańtar-sáýirinde elimizde 217 myńnan astam jeńil kólik tirkeldi. Mundai derekti QR Ulttyq ekonomika ministrliginiń Statistika komiteti jariialady, dep habarlaidy "Ult aqparat".
«2020 jylǵy qańtar-sáýirde Qazaqstan Respýblikasynda 217592 jeńil avtomobil tirkelgen. Bul ótken jylǵy tiisti kezeńmen salystyrǵanda 29,5 paiyzǵa kem. Qazaqstan Respýblikasynda 2020 jylǵy 1 mamyrdaǵy jaǵdai boiynsha tirkelgen jeńil avtomobilderdiń sany 3932,4 myń birlikti qurady», - delingen komitet dereginde.
Vedomstvo málimetinshe, osy jylǵy qańtar-sáýirde 3 335 jol-kólik oqiǵasy tirkelip, 4 820 adam zardap shekken. Ótken jylǵy tiisti kezeńmen salystyrǵanda jol apaty 21,4 paiyzǵa kemidi.
2020 jylǵy 1 mamyrdaǵy jaǵdai boiynsha kólik quraldary ieleriniń azamattyq-quqyqtyq jaýapkershiligin mindetti saqtandyrý boiynsha saqtandyrý uiymdary 10 mlrd teńge somasynda 25 056 saqtandyrý tólemin júzege asyrdy.
