تٶرەگەلدٸ شارمانوۆتىڭ مەديتسينا سالاسىنا سٸڭٸرگەن ەڭبەگٸ دٷنيەجٷزٸلٸك دەڭگەيدە جوعارى باعالانادى. بۇل تۋرالى بٷگٸن ەلٸمٸزدٸڭ بٸرقاتار ازاماتىن مەملەكەتتٸك ناگرادامەن ماراپاتتاۋ رەسٸمٸندە قر پرەزيدەنتٸ قاسىم-جومارت توقاەۆ ايتتى, دەپ حابارلايدى قازاقپارات.
«قازاق تاعامتانۋ اكادەميياسىنىڭ پرەزيدەنتٸ تٶرەگەلدٸ شارمانوۆ قازاقستاننىڭ ەڭبەك ەرٸ اتاعىنا يە بولدى. اكادەميك دەرٸگەر ۇلت ساۋلىعىن ساقتاۋعا, سالاۋاتتى ٶمٸر سالتىن دەرٸپتەۋگە ايرىقشا ٷلەس قوسىپ كەلە جاتىر. ەسٸرەسە, ٸندەت كەزٸندە جۇرتقا قاجەتتٸ ماعلۇمات بەرٸپ, ەلدٸڭ اماندىعىنا تٸلەۋلەس بولدى. ابىز اقساقال رەتٸندە ۇرپاققا شىنايى جاناشىرلىعىن تانىتتى. ونىڭ مەديتسينا سالاسىنا سٸڭٸرگەن ەڭبەگٸ ەلٸمٸزگە عانا ەمەس, دٷنيەجٷزٸلٸك دەڭگەيدە جوعارى باعالانادى», - دەدٸ قاسىم-جومارت توقاەۆ.
