قازاق تاعامتانۋ اكادەميياسىنىڭ پرەزيدەنتٸ, مەديتسينا عىلىمدارىنىڭ دوكتورى تٶرەگەلدٸ شارمانوۆ قازٸرگٸ جاعدايدا دەرٸ-دەرمەك قىمباتقا نەمەسە زاڭسىز ساتىپ پايداعا كەنەلگٸسٸ كەلٸپ جٷرگەندەردٸ جازالاۋعا قاتىستى پٸكٸر بٸلدٸردٸ, دەپ حابارلايدى قازاقپارات.
«مورالدىق تۇرعىدان العاندا بۇل ادام جيٸركەنەتٸن جاعداي. مۇنداي قىلىق بٸزدٸڭ حالىققا مٷلدە جات كٶرٸنٸس بولاتىن. وسىنداي جاعدايدى جاساپ وتىرعان ادامداردا جٷرەك جوق. ميداعى بٸلٸمدٸ جٷرەككە تٷسٸر دەيدٸ. بۇل – قالتاسىن ويلاعان قاتٸگەز ادامدار. مۇنداي وقيعالاردى جويىپ, الاستاتۋ كەرەك. بۇل ادامداردى اياۋعا بولمايدى. ادامزات قىرىلىپ جاتسا, دەرٸلەردٸ تىعىپ, قىمباتقا ساتۋعا تىرىسساڭ – ادامدىعىڭ قايدا قالدى?» - دەيدٸ تٶرەگەلدٸ شارمانوۆ «Antikor Live» جوباسىندا بەرگەن سۇحباتىندا.
قازاق تاعامتانۋ اكادەميياسىنىڭ پرەزيدەنتٸ مۇنداي ادامداردى حالىق الدىندا سوتتاۋ كەرەك دەگەن پٸكٸر بٸلدٸردٸ.
«ٶكٸنٸشتٸ-اق بٸراق قازاقتىڭ مەنتاليتەتٸنە جات قىلىقتاردىڭ كۋەسٸ بولىپ وتىرمىز. ولار – ادام دەگەن ۇعىمنان جات. «قاسقىر دا قاس قىلمايدى» جولداسىنا دەيمٸز. ال بٸزدە ٶز باسىن ويلاپ, وتانداستارىنىڭ احۋالىمەن مٷلدە ساناسپايتىندار كەزدەستٸ», - دەدٸ ول.
