تٶرەعالي تٶرەەلٸنٸڭ ٷستٸنەن قىلمىستىق ٸس قوزعالدى

فوتو: instagram.com/toregalitoreali

تانىمال ەنشٸ تٶرەعالي تٶرەەلٸنٸڭ ٷستٸنەن بيلٸك ٶكٸلدەرٸن قورلاۋ بابى بويىنشا قىلمىستىق ٸس قوزعالدى, دەپ حابارلايدى "ۇلت اقپارات" Polisia.kz Telegram-ارناسىنا سٸلتەمە جاساپ.

الماتى قالالىق پوليتسييا دەپارتامەنتٸنٸڭ مەلٸمەتٸنشە, جاقىندا پوليتسييا قىزمەتكەرلەرٸمەن ەسٸرتكٸلٸك ماساڭ كٷيٸندە كٶلٸك جٷرگٸزگەنٸ ٷشٸن ۇستالعان, ماەس شەشٸمٸمەن 20 تەۋلٸككە ەكٸمشٸلٸك قاماۋعا الىنعان ا. ەسٸمدٸ ازامات الماتى قالاسى پد-نٸڭ (ەكٸمشٸلٸك قاماۋعا الىنعاندارعا ارنالعان) ۇستاۋ يزولياتورىندا وتىر.

"مەديتسينالىق ساراپتامانىڭ قورىتىندىسىنا سەيكەس, ونى ەكٸمشٸلٸك قاماۋعا الۋدان بوساتۋعا كٶرسەتكٸش جوق.

سونىمەن قاتار ا. ەسٸمدٸ ازاماتقا قاتىستى قر قك-نٸڭ 378-بابىندا (بيلٸك ٶكiلiن قورلاۋ - رەد.) كٶزدەلگەن قىلمىستىق قۇقىق بۇزۋشىلىق بەلگٸلەرٸ بويىنشا دا قىلمىستىق ٸس تٸركەلدٸ. اتالعان قىلمىستىق ٸس بويىنشا ٶندٸرٸستٸ الماتى قالاسى پد انىقتاۋ باسقارماسى جٷرگٸزٸپ جاتىر" - دەلٸنگەن حابارلامادا.

ەستەرٸڭٸزگە سالا كەتەيٸك, 14 ماۋسىمدا قازاقستاندىق ەنشٸ تٶرەعالي تٶرەەلٸ جول ەرەجەسٸن بۇزىپ, پوليتسييامەن جانجالداسقان بولاتىن. ول 20 تەۋلٸككە قاماۋعا الىنىپ, 7 جىلعا كٶلٸك جٷرگٸزۋ قۇقىعىنان ايىرىلدى.

قاماۋدا جاتقان ەنشٸنٸڭ دەنساۋلىعى ناشارلاپ, جەدەل جەردەممەن اۋرۋحاناعا دا جەتكٸزٸلگەن.