مەملەكەت باسشىسى قاسىم-جومارت توقاەۆ قۇرىلتاي سايلاۋى قارساڭىندا حالىققا ٷندەۋ جاساپ, بۇل ساياسي ناۋقاننىڭ ەل تاعدىرىنا تٸكەلەي ەسەر ەتەتٸن تاريحي وقيعا ەكەنٸن ايتتى, دەپ حابارلايدى ult.kz.
پرەزيدەنتتٸڭ سٶزٸنشە, قازاقستان سوڭعى جىلدارى اۋقىمدى رەفورمالاردى جٷزەگە اسىرىپ, دامۋ باعىتىن جاڭارتقان. ونىڭ ايتۋىنشا, ەلدەگٸ بٸرلٸك, كەلٸسٸم مەن ىنتىماقتىڭ ارقاسىندا ەدٸلەتتٸ قازاقستاندى قۇرۋ جولىندا ەلەۋلٸ نەتيجەلەرگە قول جەتكٸزٸلگەن. سونىمەن قاتار, اتقارىلاتىن جۇمىس ەلٸ دە كٶپ ەكەنٸن اتاپ ٶتتٸ.
توقاەۆ الداعى سايلاۋ حالىق يگٸلٸگٸنە باعىتتالعان جاڭا رەفورمالارعا جول اشىپ, قازاقستان تاريحىنداعى جاڭا كەزەڭنٸڭ باستالۋىنا ىقپال ەتەتٸنٸن جەتكٸزدٸ.
مەملەكەت باسشىسى پارتييالارعا سايلاۋعا ساپالى دايىندالۋعا مٷمكٸندٸك بەرۋ ٷشٸن قۇرىلتاي سايلاۋىنىڭ ٶتەتٸن ۋاقىتىن الدىن الا جارييالاعانىن ايتتى. ونىڭ پٸكٸرٸنشە, بۇل شەشٸم العاشقى سايلاۋ ناۋقانىنىڭ مازمۇندى, اشىق, بەسەكەلٸ ەرٸ ٶركەنيەتتٸ ٶتۋٸنە مٷمكٸندٸك بەرگەن.
پرەزيدەنت سونداي-اق ەل ازاماتتارىنىڭ سايلاۋ بارىسىنا قاتىستى پٸكٸرلەرٸ وسى باعىتتىڭ دۇرىس تاڭدالعانىن كٶرسەتكەنٸن اتاپ ٶتتٸ.
