اتىراۋ پەريناتالدىق ورتالىعىنداعى نەرەستە ٶلٸمٸنە قاتىستى ٸس بويىنشا باستى كٷدٸكتٸ قۋانىش نىسانباەۆتىڭ ادۆوكاتى اسلان جولبولوۆ كٷتپەگەن مەلٸمدەمە جاسادى. ونىڭ پٸكٸرٸنشە, تەرگەۋ بارىسىندا نەرەستەنٸڭ مەيٸتٸ اۋىستىرىلعان بولۋى مٷمكٸن. بۇل تۋرالى اق جايىق جازدى, دەپ حابارلايدى Sputnik.kz.
ادۆوكات اسلان جولبولوۆ جەكەلەگەن دەلەلدەردٸڭ, اتاپ ايتقاندا, قاراعاندى وبلىسى بويىنشا سوت ساراپتامالارى ينستيتۋتىنىڭ كوميسسييالىق ساراپتاماسىنىڭ قورىتىندىسى جارامسىز ەكەندٸگٸن مەلٸمدەدٸ.
"وسى قورىتىندى نەگٸزٸندە مەنٸڭ قورعالۋشىم نىسانباەۆقا قازاقستان قىلمىستىق كودەكسٸنٸڭ 99-بابى بويىنشا اسا اۋىر قىلمىس جاسادى دەگەن ايىپ تاعىلىپ وتىر", - دەدٸ جولبولوۆ.
ول الدىمەن باتىس قازاقستان بويىنشا سوت ساراپتاماسى ينستيتۋتىنىڭ العاشقى ساراپتاماسىنا توقتالدى. ونىڭ پٸكٸرٸنشە, مۇندا دا داۋلى مەسەلەلەر بار.
قىلمىستىق ٸس ماتەريالدارىنا سەيكەس, ساراپتامادان كەيٸن نەرەستەنٸڭ مەيٸتٸ ورالدان 2019 جىلدىڭ 30 قىركٷيەگٸندە قايتادان اتىراۋعا جەتكٸزٸلٸپ, سول كٷنٸ اتا-اناسىنا قايتارىلعان. الايدا, جولبولوۆتىڭ ايتۋىنشا, 2020 جىلدىڭ 7 قىركٷيەگٸندە سوتتا ورالدىق ساراپشىلار اتىراۋلىق سىبايلاس جەمقورلىققا قارسى كٷرەس قىزمەتكەرلەرٸ ونى 2019 جىلدىڭ 11 قازانىندا قورىتىندىمەن بٸرگە الىپ كەتتٸ دەپ جاۋاپ بەرگەن.
"مەنٸڭ ەرٸپتەسٸم ادۆوكات جامبىل مۇقاشەۆ وسى سەيكەسسٸزدٸك تۋرالى بٸرنەشە رەت ايتقان, بٸراق سوت ونى ەسكەرمەگەن. ەندٸ مەن قاراعاندىدا جاسالعان كوميسسييالىق ساراپتامانىڭ قورىتىندىسىنا نازار اۋدارعىم كەلەدٸ. بيىلعى 9 قازاندا مەن ەدٸلەت مينيسترلٸگٸنٸڭ سوت-ساراپتاما ورتالىعىنا "زەرتتەۋ وبەكتٸسٸنە بەرٸلگەن نٶمٸر ساراپتاما قورىتىندىسىنىڭ نٶمٸرٸنە سەيكەس كەلۋٸ كەرەك پە?" دەگەن ادۆوكاتتىق ساۋال جولدادىم. بۇل ساۋالعا وڭ جاۋاپ الدىم. ەندٸ قاراڭىز: زەرتتەۋ وبەكتٸسٸنە بەرٸلگەن نٶمٸر - №14-651/23-3-257K. بۇل مىناداي ماعىنانى بٸلدٸرەدٸ: 14-651 - زەرتتەۋ وبەكتٸسٸ تٸركەلگەن رەتتٸك نٶمٸرٸ, ياعني, تٸركەۋ جۋرنالىنا سەيكەس, جەبٸرلەنۋشٸ تۇرىمبەتوۆانىڭ نەرەستەسٸنٸڭ مەيٸتٸ. 23-3 – ساراپتاما شيفرلارى, 257K – كوميسسييالىق ساراپتاما نٶمٸرٸ. بۇل رەتتە, قورىتىندىعا جالعانعان سۋرەتكە سەيكەس, زەرتتەۋ وبەكتٸسٸ 14-652/23-3/257K نٶمٸرلٸ ماتەريال بولدى. تسيفرلار سەيكەس ەمەس - مەنٸڭ پٸكٸرٸمشە, بۇل باسقا مەيٸت ەكەندٸگٸن بٸلدٸرەدٸ, - دەدٸ جولبولوۆ.
"بٸلمەيمٸن, بۇل قاتە مە, باسقا نەرسە مە, بٸراق ەرٸ قاراي №14-652 نٶمٸرگە سول تەرگەۋ-جەدەل توبى تاعايىنداعان باسقا ايتمۇراتوۆا دەگەننٸڭ سەبيٸنٸڭ مەيٸتٸنە قاتىستى ماتەريال تٸركەلگەن. ەرٸ قاراي №14-563 ماتەريال روزا مولداعاليەۆاعا قاتىستى. ايتمۇراتوۆانىڭ كٸم ەكەنٸ بٸزگە بەلگٸسٸز, ول وسى قىلمىستىق ٸستٸڭ ماتەريالدارىندا جوق", - دەپ تولىقتىردى ادۆوكات.
ونىڭ ايتۋىنشا, سونداي-اق كونتەينەردٸ مٶرلەۋ كەزٸندە ٶرەسكەل زاڭ بۇزۋشىلىقتارعا جول بەرٸلگەن, بۇل دا تۇرىمبەتوۆانىڭ نەرەستەسٸنٸڭ مەيٸتٸ زەرتتەلمەگەن دەگەن كٷدٸك تۋدىرىپ وتىر.
"وسى قاراما-قايشىلىقتاردى ەسكەرە وتىرىپ, مەن 2019 جىلعى 20 جەلتوقسانداعى 14-651/23-3-257k نٶمٸرلٸ كەشەندٸ سوت ساراپتاماسىنىڭ قورىتىندىسىن ٸس بويىنشا جارامسىز دەلەل دەپ تانۋعا ٶتٸنٸش بەرەمٸن. سونداي-اق, بۇل جاعدايدا نەرەستەنٸڭ مەيٸتٸ – سوت-مەديتسينالىق زەرتتەۋ وبەكتٸسٸنٸڭ اۋىستىرىلعانى تۋرالى مەلٸمدەمە جاساۋعا مەجبٷرمٸن. مۇنى كٸم, قانداي ماقسات ٷشٸن جاسادى, مەنٸڭ ويىمشا, ۋەكٸلەتتٸ ورگاندار انىقتاۋى تيٸس", دەپ تٷيٸندەدٸ جولبولوۆ.
سۋديا گٷلميرا دەۋلەتوۆا تانىسۋ ٷشٸن قۇجاتتاردى پروكۋرور نۇرجان جانگەرەەۆكە بەرۋدٸ سۇرادى. ەكٸنشٸ پروكۋرور ماگومەد ەسەنبولاتوۆتى سۋديا ٶتكەن وتىرىستاردىڭ بٸرٸندە پروتسەستەن شەتتەتكەن. ادۆوكاتتاردىڭ ايتۋىنشا, سۋديا سوتتالۋشىلاردىڭ بٸرٸ – اكۋشەر-گينەكولوگ اسقار قايىرجاننىڭ ٶتٸنٸشٸ نەگٸزٸندە پروكۋرورعا قارسىلىق بٸلدٸرگەن.
ەندٸ ۇزاققا سوزىلعان وسى سوت وتىرىسىندا سوتتالۋشى نىسانباەۆقا قاتىستى 367-باپتىڭ 2-تارماعى ("ايتارلىقتاي مٶلشەردە پارا بەرۋ") بويىنشا ايىپتاۋ ەپيزودىن قاراۋ قالدى. تاراپتاردىڭ جارىسسٶزٸ 24-26 قاراشاعا جوسپارلانعان.
