فوتو: Akorda.kz
بٷگٸن كٶرنەكتٸ قالامگەر تٶلەن ەبدٸكۇلى مەملەكەت باسشىسى قاسىم-جومارت توقاەۆتىڭ قولىنان «قازاقستاننىڭ حالىق جازۋشىسى» اتاعىن الدى, دەپ حابارلايدى Kazinform.
«حالىق جازۋشىسى دەگەن اتاقتى كەزٸندە ٶزٸمٸز جاۋىپ تاستاپ ەدٸك. سونى بٷگٸن قايتادان اشىپ, بٸزدٸ ەرٸ ۇيالتىپ, ەرٸ قۋانتىپ وتىرسىز. بۇل بٸزگە قوسىمشا اسا تالاپ قويا قويماس. بٸراق ٶنەرگە, ەدەبيەتكە دەگەن جاڭا كٶزقاراستىڭ بەلگٸسٸ بولىپ, كٶڭٸلٸمٸزدٸ ٷلكەن سەنٸمگە تولتىرىپ وتىر. ٶمٸردە ەدٸلدٸك, شىندىق, ادامگەرشٸلٸك دەگەن ۇلى قۇندىلىقتار بار. ادامي قارىم-قاتىناس, ٸس-ەرەكەت, قوعامنىڭ ٶمٸرٸ, مەملەكەتتٸڭ ساياساتى سوعان نەگٸزدەلگەن كەزدە ٶركەنيەت كٶشٸنە قوسىلۋعا مٷمكٸندٸك اشىلادى. سول كٶشتٸ باستاۋ سٸزگە جٷكتەلدٸ. بۇل ەرينە, اسا قاستەرلٸ, بٸراق, اسا جاۋاپتى نەرسە ەكەنٸن بٸلەمٸز. قازاقتىڭ كٶشٸن تۋرا باستاپ, باسقا جولعا بۇرىلماي, كەدەرگٸلەرگە ۇرىنباي حالىقتىڭ ٷمٸتٸن اقتاعان ابىرويلى پرەزيدەنت بولعانىڭىزدى قالايمىز», - دەدٸ قالامگەر اقوردادا ٶتكەن سالتاناتتى رەسٸمدە.
وسى رەتتە جازۋشى يتالييالىق بٸر مەملەكەت قايراتكەرٸنٸڭ «بٸز يتالييانى جاسادىق. ەندٸ يتالياندىقتاردى جاسايىق» دەگەن ەيگٸلٸ سٶزٸن ەسكە سالدى.
«بٸز دە ٸلگەرٸندٸ-كەيٸندٸ قازاقستاندى جاسادىق. ەندٸ كٶزٸ اشىق, ساناسى ەركٸن, عىلىم مەن بٸلٸمدٸ مەڭگەرگەن, ٶزگە وزىق ويلى ەلدەرمەن بوي تەڭەستٸرە الاتىن زاماناۋي قازاق ۇلتىن جاساۋعا كٷش سالۋ كەرەك دەپ ەسەپتەيمٸز. بۇل, ەرينە, ورتاق مٸندەت. بٸزدە قولىمىزدان كەلگەنشە تىرىسىپ باعامىز. دامۋ دەگەن جاڭا بٸر زاتقا قول جەتكٸزۋ ەمەس. ٶتكەن قاتەلٸكتەردٸ تٷزەۋ, قيسايعاندى تٷزەتۋ, قۇلاعاندى قالپىنا كەلتٸرۋ», - دەدٸ تٶلەن ەبدٸكۇلى.
