قر ۇوك باس حاتشىسى اندرەي كريۋكوۆ توكيو وليمپياداسىنا بارعان قازاقستان دەلەگاتسيياسىنىڭ قۇرامىن جارييا ەتتٸ, دەپ حابارلايدى قازاقپارات.
«توكيوعا ەدەتتەگٸدەن 100 ادام كەم باردى. حالىقارالىق وليمپيادا كوميتەتەتٸ مەن توكيو ۇيىمداستىرۋ كوميتەتٸ تاراپىنان بولعان ەلەۋلٸ قىسقارتۋ سالدارىنان ادام سانى از بولدى. دەلەگاتسيياعا وپەراتسييالىق قىزمەتتٸ اتقاراتىن ماماندار, سپورتشىلار مەن باپكەرلەر ەندٸ. جالپى, قازاقستان دەلەگاتسيياسى 196 ادام, ونىڭ ٸشٸندە سپورتشىلار مەن باپكەرلەر 157 ادام, 20-سى كەشەندٸ ەرٸ عىلىمي توپتاردىڭ مامانى, شتابتا 9 ادام, سونداي-اق 4 مامان بار. ولار انتيكوۆيدتٸك جۇمىستار مەن دوپينگكە قارسى قاداعالاۋمەن اينالىستى», - دەدٸ اندرەي كريۋكوۆ ورتالىق كوممۋنيكاتسييالار قىزمەتٸندە.
بۇدان بۇرىن حابارلانعانداي, قر ۇوك باس حاتشىسى بيىل قىركٷيەكتٸڭ سوڭىنا قاراي وليمپياداداعى نەتيجە بويىنشا سوڭعى قورىتىندى جاسالاتىنىن ايتتى.
«وسىدان كەيٸن قاتەلٸكتەردٸ تٷزەتۋ مەن كەلەسٸ وليمپيادالىق تسيكلگە دايىندىق جۇمىستارى باستالادى», - دەدٸ كريۋكوۆ.
